पुणे : टेम्पोचालकाने पीएमपी वाहकाला मारहाण केल्याची घटना चांदणी चौकातील वेदभवन समोर घडली. तर पीएमपी बस चालकानेही टेम्पोचालकास मारहाण केल्याचा प्रकार घडला. याबाबत दोघांनी परस्परविरोधात तक्रारी दिल्या आहेत.
पीएमपी वाहक समाधान पांडुरंग देवकर (वय १९, रा. अंबरनाथ) यांनी वारजे पोलिस ठाण्यात फिर्याद दिली आहे. त्यानुसार टेम्पोचालक रमाकांत राजाराम कदम (वय ३६, रा. कर्वेनगर) याच्याविरुद्ध गुन्हा दाखल केला आहे. पोलिसांनी दिलेल्या माहितीनुसार, पीएमपी बस शुक्रवारी दुपारी वेदभवन परिसरातून चांदणी चौकाकडे निघाली होती.
टेम्पोचालकाने बसला ओव्हरटेक करण्याचा प्रयत्न केला. टेम्पोचालकाने बसचालक सुनील धिडे यांना शिवीगाळ केली. तसेच देवकर यांच्या डोक्यात लोखंडी रॉडने मारहाण केली. तर टेम्पोचालक रमाकांत यादव यांनीही फिर्याद दिली आहे. टेम्पोचालकाने बसचालकाला कट का मारला, असे विचारले. त्यावर धिडे आणि देवकर यांनी यादवला रॉडने मारहाण केली. बसचालक धिडे आणि वाहक देवकर या दोघांवरही गुन्हा केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.