सासवड : लाच घेणारा लिपिक अडकला 'एसीबी'च्या जाळ्यात; सातबाऱ्यासाठी मागितले सहा हजार रुपये!

पुणे : जमिनीचा सातबारा आणि फेरफार उतारा काढून देण्यासाठी सहा हजार रुपयांची लाच स्वीकारणारा सासवडच्या भूमी अभिलेख कार्यालयातील लिपिक लाचलुचपत प्रतिबंधक विभागाच्या (एसीबी) जाळ्यात अडकला. त्याच्याविरुद्ध सासवड पोलिस ठाण्यात गुन्हा दाखल करण्यात आला आहे. 

- 'पहिल्यांदा चांगलं वाटलं, पण आता ताण येतोय'; 'वर्क फ्रॉम होम'ला कंटाळले कर्मचारी​

महम्मद रफिभाई गनीभाई मुलाणी (वय 55) असे लाच स्वीकारणाऱ्या लिपिकाचे नाव आहे. लाचलुचपत विभागाने दिलेल्या माहितीनुसार, मुलाणी हा सासवड येथील भूमी अभिलेख कार्यालयात लिपिक म्हणून कार्यरत आहे. दरम्यान त्याच्याकडे तक्रारदाराने जमिनीचा सातबारा आणि फेरफार उताऱ्यांच्या नकला मिळण्यासाठी अर्ज केला होता. मात्र, मुलाणी याने या कामासाठी तक्रारदाराकडे सहा हजार रुपयांच्या लाचेची मागणी केली होती. तक्रारदारांना लाच देणे मान्य नसल्यामुळे त्यांनी याबाबत लाचलुचपत विभागाकडे तक्रार केली. त्यानुसार, विभागाने त्याच्या तक्रारीची पडताळणी केली, त्यावेळी मुलाणी याने तक्रारदाराकडे लाच मागितल्याची माहिती पुढे आली. त्यानंतर विभागाचे पोलिस अधीक्षक राजेश बनसोडे यांच्या मार्गदर्शनाखालील सोमवारी (ता.१२) पथकाने सापळा रचून मुलाणीला सहा हजार रुपयांची लाच स्वीकारताना ताब्यात घेतले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)