पुणे : 'या' भागातील दारुची दुकाने राहणार बंद; जिल्हा प्रशासनाचा निर्णय

Liquor_Shop
Liquor_Shop

पुणे : कोरोना बाधित कंटेनमेंट झोनमधील (संक्रमणशील क्षेत्र) ग्राहक जवळच्या अंतरावर सुरू असलेल्या वाईन शॉपमध्ये जाऊन मद्य खरेदीसाठी गर्दी करीत आहेत. त्यामुळे आता कंटेनमेंट झोनच्या बाहेरील पाचशे मीटर अंतरावरील मद्य विक्रीची दुकाने बंद करण्याचे निर्देश जिल्हाधिकारी नवल किशोर राम यांनी बुधवारी (ता.६) दिले. 

राज्य उत्पादन शुल्क विभागाने कंटेनमेंट झोन वगळता मद्य विक्री सुरू करण्याचा निर्णय घेतला. त्यानुसार पुणे महापालिका, पिंपरी चिंचवड, कॅन्टोन्मेंट बोर्ड आणि पुणे ग्रामीण परिसरातील सुमारे 702 ठिकाणी मद्य विक्री सुरू करण्यात आली. त्यात वाईन शॉप, देशी दारु आणि बियर शॉपी यांचा समावेश आहे.

जवळपास सव्वा महिन्यानंतर मद्य विक्रीची दुकाने सुरू झाली. त्यामुळे पहिल्याच दिवशी ग्राहकांनी मद्य खरेदीसाठी लांबवर रांगा लावल्या होत्या. तसेच, कंटेनमेंट झोनमधील काही ग्राहक जवळच्या अंतरावर असलेल्या परिसरात जाऊन मद्य खरेदीसाठी गर्दी करीत असल्याचे दिसून आले. त्यामुळे जिल्हा प्रशासनाने कंटेनमेंट झोनच्या पाचशे मीटर अंतरावर दारू दुकाने बंद करण्याचा निर्णय घेतला आहे.

सोशल डिस्टन्सिंगचे पालन होत नसलेल्या ठिकाणी कठोर धोरण स्वीकारण्याचा निर्णय घेतला आहे. नियमाचे पालन न करणाऱ्या मद्य विक्रेत्यांवर कारवाई करण्यात येत असल्याची माहिती राज्य उत्पादन शुल्कच्या पुणे विभागाचे अधीक्षक संतोष झगडे यांनी दिली.

गर्दी होणाऱ्या दुकानांमध्ये टोकन पद्धतीचा वापर करण्यात येत आहे. 50 पेक्षा अधिक ग्राहक असल्यास विक्रेत्यांनी ग्राहकांना टोकन देऊन त्यानुसार वेळेत विक्री करावी. विक्रेते आणि ग्राहकांनी सोशल डिस्टन्सिंगचे पालन करावे. सॅनिटायझर आणि मास्कचा वापर करावा.
- संतोष झगडे, अधीक्षक, राज्य उत्पादन शुल्क, पुणे विभाग.

सध्या सुरू असलेली दुकाने : (वाईन शॉप, देशी दारू, बियर शॉपी)
पुणे शहर - 250 
पिंपरी-चिंचवड - 213
कॅन्टोन्मेंट बोर्ड - 18 
पुणे ग्रामीण - 221 
एकूण - 702 दुकाने

- पुण्याच्या बातम्या वाचण्यासाठी येथे ► क्लिक करा 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com