COEP : सीओईपी तंत्रज्ञान विद्यापीठाच्या कुलगुरूपदी डॉ. सुनील भिरूड यांची नियुक्ती

पुणे : सीओईपी तंत्रज्ञान विद्यापीठाच्या कुलगुरूपदी डॉ. सुनील भिरूड यांची नियुक्ती करण्यात आली आहे. डॉ. भिरूड हे वीरमाता जिजाबाई तंत्रज्ञान संस्थेत संगणक अभियांत्रिकी आणि माहिती तंत्रज्ञान विभागात प्राध्यापक म्हणून काम करत आहेत.

राज्यपाल रमेश बैस यांनी डॉ. भिरूड यांची सीओईपी तंत्रज्ञान विद्यापीठाच्या कुलगुरू म्हणून नियुक्ती केली आहे.विद्यापीठाच्या प्रभारी कुलगुरूपदी डॉ. सुधीर आगाशे यांची एप्रिल २०२३ मध्ये नियुक्ती करण्यात आली होती.

आता डॉ. भिरूड हे विद्यापीठाचे नवे कुलगुरू असणार आहेत. ते लवकरच डॉ. आगाशे यांच्याकडून कुलगुरूपदाची जबाबदारी स्वीकारतील. डॉ. भिरूड यांचा कार्यकाळ हा त्यांनी कुलगुरू म्हणून पदभार स्वीकारल्यापासून पाच वर्ष किंवा वयाची ६५ वर्ष पूर्ण करेपर्यंत, या दोन्हीपैकी जे अगोदर असेल, तोपर्यंत असणार आहे.