चाकण एमआयडीसी परिसरातील कोसळलेला खांब प्रवाशांसाठी जीवघेणा

आंबेठाण : अपघातानंतर खाली कोसळलेला विजेचा खांब चार दिवस झाले तरी तसाच पडून असल्याने तो अपघाताला निमंत्रण देणारा ठरत आहे. प्रचंड वर्दळीच्या रस्त्यावर अशी धोकादायक स्थिती असताना एमआयडीसी अथवा वाहतूक विभाग त्याकडे गंभीरपणे पाहत नसल्याची वास्तव परिस्थिती आहे. एखाद्याचा जीव गेल्यानंतर प्रशासन जागे होणार का ? असा सवाल आता प्रवाशी विचारत आहे.

- पुण्याच्या बातम्या वाचण्यासाठी येथे ► क्लिक करा

चाकण एमआयडीसीमधील एचपी चौक ते भांबोली फाटा या मार्गावरून प्रवास करताना हुंडाई कंपनीच्या अलीकडे खालूम्बरे गावाकडे जाणाऱ्या चौकात काही दिवसांपूर्वी अपघात घडला होता. यात वाहनांची धडक बसल्याने विजेचा खांब कोसळला होता.त्याचा काही भाग डांबरी रस्त्यावर आल्याने वाहनांना घासला जात आहे.बेसावध वाहन चालकांना याचा मोठा फटका बसत असून वाहनांचे नुकसान होत आहे.काही वेळेस या पडलेल्या खांबाला गाडी घासून दुचाकी आणि काही वाहनांना अपघाताला सामोरे जावे लागत आहे.

महाविकास आघाडीतील घटक पक्षांची मंचरसाठी नगरपंचायतीची मागणी

या मार्गावर जवळच एमआयडीसीच्या माध्यमातून डांबरी करणाद्वारे रस्ता दुरुस्ती सुरू आहे. तरी देखील अधिकारी अथवा कर्मचारी यांच्या लक्षात ही बाब का येत नाही असा सवाल उपस्थित होत आहे. भविष्यात अजून मोठी दुर्घटना घडू नये यासाठी तात्काळ हा पडलेला खांब तात्काळ दुरुस्त करण्याची गरज आहे.

पुण्यात बहाद्दरांनी पळविली दारुच्या बाटल्यांची तब्बल 32 खोकी

(संपादन : सागर डी. शेलार)