पुणे : आगामी काळात ऑनलाईन शिक्षणाचे महत्त्व वाढणार असल्याने डिजीटल इंफ्रास्ट्रक्चर उभारणीसाठी केंद्र सरकार आणि शिक्षण संस्थांना पुढाकार घ्यावा लागणार आहे. सोशल डिस्टंन्सींगसाठी महाविद्यालयेही शिफ्टमध्ये भरवावे लागतील, असे केंद्रीय मनुष्यबळ विकास राज्यमंत्री संजय धोत्रे यांनी स्पष्ट केले.
असोसिएशन ऑफ इंडियन मॅनेजमेंट स्कुलच्या पुणे शाखेतर्फे (एआयएमएस) 'शिक्षण पद्धती २०२०' या विषयावर वेबीनार आयोजित केले होता. त्यामध्ये तिरुचिरापल्ली आयआयएमचे संचालक भिमराया मेत्री, वेलींगकर इंस्टिट्यूटचे संचालक उदय साळुंके, पुणे विद्यापीठाचे अधिष्ठाता डाॅ. पराग काळकर, इनक्युबेश सेंटरच्या संचालिका डॉ. अपूर्वा पालकर, सुर्यदत्ता ग्रुपचे संजय चोरडीया, डी. वाय. पाटील, डाॅ. गणेश राव, श्रीराम नेर्लेकर, भारत अग्रवाल, आदी संस्थाचे संचालक, प्रतिनिधी सहभागी झाले होते.
संजय धोत्रे म्हणाले, "सीईटी रद्द करावी का याबाबत अधिकाऱ्यांशी सल्लामसलत करून निर्मण घेतला जाईल. 'कोरोना'चे संकट कधी संपेल हे माहिती नाही, त्यामुळे अंदाज बांधत आपल्याला नियोजन करावे लागेल, काही वेळा नियोजनात बदलही करावा लागणार आहे, त्यामुळे वर्षभराचे शैक्षणिक वेळापत्रकही बदललेले असेल.
या परिस्थितीत ४० टक्क्यांपर्यंत ऑनलाईन शिक्षण करावे लागणार आहे. त्यासाठी इंटरनेटची जोडणी व सहज उपलब्धता महत्वाची आहे. सरकार व संस्थांना यासाठी एकत्रीतपणे काम करावे लागणार आहे. महाविद्यालये सोशल डिस्टंन्सींग ठेवून सुरू करावे लागतील. यावेळी काही विद्यार्थी वर्गात, काही ऑनलाईन क्लासमध्ये तर काहींना कंपन्यांमध्ये ट्रेनिंग घ्यावे लागेल."
"कोरोनाच्या काळात शिक्षकांची मानसिकता बदलने गरजेचे आहे. यापुढे आर्टिफिशियल इंटेलिजन्स, मशीन लर्निंग याचा अंतर्भाव शिक्षणात झाला पाहिजे, असे भिमराया मेत्री यांनी सांगितले.
"आजच्या वेबीनारमध्ये चर्चा झालेल्या मुद्द्यावर पुढे कार्यवाही व्हावी यासाठी याचा अहवाल मनुष्यबळ विकास मंत्रालयास पाठवला जाईल, असे डॉ. पालकर यांनी सांगितले.
संस्था संचालक म्हणतात
- डिजीटल शिक्षणासाठी पायाभूत सुविधा निर्माण करणे आव्हान.
- एमबीएची प्रवेश परीक्षा रद्द करून, थेट संस्थामध्ये प्रवेश मिळावा.
-आॅनलाईन प्रवेश पद्धती राबविली पाहिजे,
- शैक्षणिक कर्ज मिळण्यात सुलभता यावी,
- रिक्त जागांच्या मुद्द्यावर तोडगा काढावा
- अभ्यासक्रमांच्या मान्यतेस दोन वर्षांची वाढ करा.
- पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
