पुणे : विना रेशन कार्डधारकांनो, मोफत धान्य वितरणाला झालीय सुरुवात!

पुणे : लॉकडाऊनच्या कालावधीत धान्यापासून कोणीही वंचित राहू नये, यासाठी विना रेशन कार्डधारकांना 8 जूनपासून तांदूळ आणि हरभरा मोफत वितरित करण्यात येत आहे. गेल्या दोन दिवसांत पुणे आणि पिंपरी-चिंचवड शहरातील 215 विना रेशन कार्डधारकांनी याचा लाभ घेतला आहे.

- पुण्याच्या इतिहासातील 'ती' काळी तारीख...ढगफुटी...आंबिल ओढा..अन्...  

केंद्र सरकारमार्फत रेशन कार्डधारकांना मोफत गहू तांदूळ, तूर आणि चणा डाळ वितरित करण्यात येत आहे. परंतु ज्यांच्याकडे रेशन कार्डच नाही अशा व्यक्तींनाही आता सरकारने प्रतिव्यक्ती पाच किलो तांदूळ आणि कुटुंबासाठी एक किलो हरभरा डाळ उपलब्ध करून देण्याचा निर्णय घेतला आहे. हे धान्य आठ जूनपासून वितरित करण्यात येत असल्याची माहिती अन्नधान्य वितरण कार्यालयाकडून देण्यात आली.

- पुणे- मुळशी प्रवास करताय? सावधान..

पुणे आणि पिंपरी-चिंचवड  शहरासाठी 
-  83 स्वतंत्र केंद्र 
-  विना रेशनकार्ड एक लाख 39 हजार व्यक्तींना मोफत तांदूळ आणि डाळ देणार
- मे आणि जून महिन्याचे धान्य एकत्रित देणार

दोन दिवसांतील धान्य वाटप (विना रेशनकार्ड) : 
लाभार्थी : 215
तांदूळ : 2150 किलो 
हरभरा : 430 किलो

- मोटार विहिरीत कोसळून महिलेसह दोन बालकांचा मृत्यू

'वन नेशन वन रेशन कार्ड'  योजना :
केंद्र सरकारची महत्वाकांक्षी योजना 'वन नेशन वन रेशन कार्ड' ही योजना 1 जूनपासून 20 राज्यांसाठी लागू करण्यात आली आहे. या योजनेमुळे शिधापत्रिकाधारकांना देशाच्या कोणत्याही भागात रेशन दुकानातून धान्य खरेदी करता येईल. महाराष्ट्रात यापूर्वीच ही योजना सुरू आहे. त्यामुळे इतर राज्यातून किंवा शहरातून आलेल्या रेशन कार्डधारकांना पोर्टेबिलिटीच्या माध्यमातून  गहू, तांदूळ देण्यात येतो.

रेशन कार्डधारकांचा आधार क्रमांक पॉस मशीनमध्ये लिंक करण्यात आला आहे. त्यामुळे रेशन कार्डधारकांनी कोठून धान्य घेतले, याची नोंद अन्नधान्य पुरवठा विभागाकडे होते, अशी माहिती पुरवठा विभागातील सूत्रांनी दिली.

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे  क्लिक करा