Pune Railway: कन्फर्म तिकीट मिळणे कठीण! पुण्यातून सुटणाऱ्या रेल्वेगाड्यांना तुफान गर्दी; तत्काळ कोटा काही सेकंदातच ‘हाउसफुल्ल’

‘पुणे : पुण्याहून सुटणाऱ्या रेल्वेगाड्यांना प्रवाशांचा चांगला प्रतिसाद मिळत आहे. एकीकडे वेटिंग यादी वाढत आहे, तर दुसरीकडे प्रवाशांना कन्फर्म तिकीट मिळणे दुरापास्त झाले आहे. यंदाच्या उन्हाळी हंगामात पुणे- जम्मू तावी झेलम एक्स्प्रेसला सर्वाधिक वेटिंग राहिले आहे. या गाडीला प्रवाशांना १९२ टक्के तर कोल्हापूर -गोंदिया महाराष्ट्र एक्स्प्रेसला १६३ टक्के प्रवाशांचा प्रतिसाद मिळाला. तर अन्य प्रमुख रेल्वे गाड्यांनादेखील वाढत्या वेटिंगची संख्या पाहून ‘नो रूम’(वेटिंग तिकिटे बंद)ची स्थिती आली.