वीजग्राहकांनी एका महिन्यात भरले तब्बल एवढे कोटी

पुणे - वीजबिलावरून एकीकडे गोंधळ सुरू असताना दुसरीकडे मात्रे गेल्या महिन्याभरात पुणे परिमंडलात 14 लाख 30 हजार वीजग्राहकांनी 356 कोटी 45 लाख रुपयांच्या वीजबिलांचा भरणा केला असल्याचे समोर आले आहे. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

कोरोना विषाणूच्या प्रादुर्भावामुळे लॉकडाऊनच्या कालावधीमध्ये महावितरणकडून मीटर रिडींग घेणे तात्पुरते बंद करण्यात आले होते. त्यामुळे ग्राहकांना एप्रिल व मे महिन्याचे सरासरी वीजबिल देण्यात आले. मात्र जून महिन्यात तीन ते चार महिन्यांच्या कालावधीच्या रिडींगनुसार वीजबिल दिल्याने ग्राहकांमध्ये गोंधळ निर्माण झाला होता. हा संभ्रम दूर करण्यासाठी महावितरणकडून प्रत्येक कार्यालयात मदत कक्ष, वेबिनार, मेळावे, व्हॉट्‌स ऍप ग्रुप आदींद्वारे शंका निरसनाचे काम सुरु केले आहे. गेल्या महिन्याभरात पुणे शहरात 8 लाख 55 हजार 500 ग्राहकांनी 207 कोटी 72 लाख, पिंपरी चिंचवड शहरात 3 लाख 69 हजार ग्राहकांनी 100 कोटी 11 लाख आणि मुळशी, वेल्हे, आंबेगाव, जुन्नर, खेड व मावळ तालुक्‍यातील 2 लाख 6 हजार ग्राहकांनी 48 कोटी 62 लाख रुपयांच्या वीजबिलांचा भरणा केला आहे. 

राज्य सरकारमध्ये खरचं अस्वस्थता आहे का? वाचा शरद पवार यांचं उत्तर

घरगुती वीजग्राहकांनी जूनमध्ये एकत्रित आलेल्या तीन ते चार महिन्यांच्या वीजबिलांबाबत कोणताही संभ्रम बाळगू नये. वीजबिलाच्या पडताळणीसाठी गेल्या तीन ते चार महिन्यांचा संपूर्ण हिशेब https://billcal.mahadiscom.in/consumerbill/ या लिंकवर उपलब्ध आहे. एकाही पैशाचा अतिरिक्त भूर्दंड वीजग्राहकांवर जूनच्या बिलामध्ये लावण्यात आलेला नाही. ग्राहकांकडे असलेल्या मीटरचे रिडींग घेतल्यानंतर अचूक वीजवापराचे बिल तयार करण्यात आले आहे व बिलामध्ये स्लॅब बेनिफीट व स्लॅबनुसार दर आकारणी करण्यात आली आहे. 

'कोरोना प्रतिबंधासाठी कडक उपाययोजना करा'

पुणे व पिंपरी चिंचवड शहरांसह ग्रामीण भागातील कोरोना प्रतिबंधीत क्षेत्र वगळता उर्वरित सर्व वीजबिल भरणा केंद्र सुरु झाले आहेत. तथापि, ग्राहकांना घरबसल्या वीजबिल भरणा करण्यासाठी 'ऑनलाईन'ची सोय उपलब्ध आहे. क्रेडीट कार्ड वगळता महावितरणचे लघुदाब वर्गवारीचे वीजबिल भरण्यासाठी 'ऑनलाईन'चे उर्वरित सर्व पर्याय आता निःशुल्क आहेत. तसेच 'ऑनलाईन' बिल भरण्यासाठी दरमहा 500 रुपयांच्या मर्यादेत 0.25 टक्के सूट देण्यात येत आहे. ग्राहकांनी विजबिलांचा भरणा करून सहकार्य करावे, असे आवाहन महावितरणकडून करण्यात आले आहे.