पुणे : एअर इंडियाचे विमान आज सकाळी दिल्लीहून पुण्याला निघाले. या विमानात 177 प्रवासी होते. हे विमान पुण्यात पोहचताच त्यापैकी चीनचा नागरिक असलेल्या एका प्रवाशाला अस्वस्थ वाटू लागले, तसेच त्याला उलट्यांचा त्रास होऊ लागला. या कारणास्तव त्या प्रवाशाला थेट नायडू रुग्णालयात दाखल करण्यात आले आहे. त्याला कोरोनाची लागण झाली असल्याचा संशय डाॅक्टरांनी व्यक्त केला आहे.
दरम्यान, ली सियोन असे या चिनी प्रवाशाचे नाव आहे. त्याला नायडू हॉस्पिटलमधे हलवण्यात आलं आहे. मात्र विमानातील इतर प्रवासी निघून गेले. हे विमान पुन्हा दिल्लीला जाणार होतं. मात्र चीनी प्रवाशाने केलेल्या उलट्यांमुळे विमान स्वच्छ करायला वेळ लागला. यामुळे या विमानाला उशीर झाला. त्या विमानाने दिल्लीला जाणार असलेल्या प्रवाशांनी विमानाला उशीर का होतोय याची चौकशी केल्यानंतर हा प्रकार समोर आला. नायडू हॉस्पिटलमध्ये भरती करण्यात आलेला चीनी प्रवासी तो मागील एक महिन्यापासून दिल्लीत असल्याचा दावा करतोय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.