नारायणगावात कोरोनाबाधिताने केली खरेदी, व्यापाऱ्यांनी घेतला... 

नारायणगाव (पुणे) : जुन्नर तालुक्‍यातील बस्ती सावरगाव येथील कोरोनाबाधित रुग्ण कपडे व इतर साहित्य खरेदीच्या निमित्ताने नारायणगाव येथील व्यापाऱ्यांच्या संपर्कात आला आहे. त्यामुळे नारायणगाव व वारुळवाडी ग्रामस्थांच्या चिंतेत भर पडली आहे. त्यामुळे नारायणगाव येथील दुकाने उद्यापासून (ता. 26) जूनपर्यंत बंद ठेवण्याचा निर्णय व्यापारी असोसिएशनने घेतला आहे, अशी माहिती सरपंच योगेश पाटे यांनी दिली. 

सख्खे भाऊ शेततळ्याजवळ खेळत होते अन्‌... 

जुन्नर तालुक्‍यातील मुंबई येथून आलेले व होम क्वारंटाइन असलेले धोलवड व बस्ती सावरगाव येथील प्रत्येकी दोन, अशा चार जणांचा कोरोना तपासणी अहवाल पॉझिटिव्ह आला असून, कोरोनासदृश आजाराने भटकळवाडी येथील एका व्यक्तीचा काल मृत्यू झाला. त्यामुळे ग्रीन झोनमध्ये असलेल्या जुन्नरकरांची चिंता वाढली आहे. 

इंद्रायणीच्या घाटावर गुंडांची दहशत

नारायणगाव ही व्यापारी बाजारपेठ आहे. त्यामुळे खरेदीच्या निमित्ताने तालुक्‍यातील नागरिकांचा संपर्क या भागात जास्त असतो. बस्ती सावरगाव येथील दांपत्याचा कोरोना तपासणी अहवाल पॉझिटिव्ह आला. या व्यक्तीने नारायणगाव बाजारपेठेत कपडे व इतर साहित्य खरेदी केल्याचे आज निष्पन्न झाले. त्यामुळे नारायणगाव व वारुळवाडी ग्रामस्थांच्या चिंतेत भर पडली असून, नारायणगाव येथील दुकाने उद्यापासून 1 जूनपर्यंत बंद ठेवण्याचा निर्णय आज झालेल्या बैठकीत व्यापारी असोसिएशनने घेतला. 

पुणेकरांनो, घरातच बसा...सूर्य ओकतोय आग  

याबाबत सरपंच पाटे व वारूळवाडीचे उपसरपंच सचिन वारुळे म्हणाले, ""मागील दहा दिवसांत पुणे व मुंबई येथून सुमारे एक हजार व्यक्ती नारायणगाव व वारूळवाडी भागांत दाखल झाल्या आहेत. त्यापैकी 52 जणांना संस्थात्मक क्वारंटाइन व इतरांना होम क्वारंटाइन करण्यात आले आहे. 

पाच जणांना कोरोनासदृश लक्षणे 
वैद्यकीय अधिकारी डॉ. वर्षा गुंजाळ म्हणाल्या, ""होम क्वारंटाइन असलेल्या वारूळवाडी व धनगरवाडी येथील पाच जणांना ताप व इतर कोरोना सदृश लक्षणे आढळून आली आहेत. त्यांच्यावर उपचार सुरू केले आहेत. वारंवार सूचना देऊनसुद्धा होम क्वारंटाइन व्यक्ती नियमांचे पालन करत नाहीत.'' 

बारा जणांवर गुन्हा दाखल 
डिंभे डावा कालव्यात बारा जण पोहत असल्याचे काल दुपारी आढळून आले आहे. पोलिस आल्याचा सुगावा लागताच ते पसार झाले. या पैकी सुनील कुतळ याच्यासह बारा जणांवर गुन्हा दाखल केला आहे.