सासरवाडीला गेला...येताना गावासाठी कोरोना घेऊन आला...

नारायणगाव (पुणे) :  जुन्नर तालुक्यातील कोरोनामुक्त असलेल्या नारायणगाव  शहरात तरुणाला कोरोनाची लागण झाल्याचे तपासणी अहवालावरून आज स्पष्ट झाले. मागील पाच महिने कोरोनामुक्त असलेल्या व सुमारे पन्नास हजार लोकसंख्या असलेल्या  नारायणगाव शहरात कोरोनाचा शिरकाव झाल्याने प्रशासन व ग्रामस्थांमधून चिंता व्यक्त होत आहे.

कोरोना झाला आमदारांना...ग्रामस्थांचा जीव टांगणीला

नारायणगाव येथे कोरोनाचा शिरकाव टाळण्यासाठी सरपंच योगेश पाटे, सहायक पोलिस निरीक्षक अर्जुन घोडे पाटील यांनी कठोर उपाययोजना केल्या आहेत. त्यामुळे मागील चार महिने नारायणगाव शहर कोरोनामुक्त ठेवण्यात यश आले होते. मात्र, दोन दिवसांपूर्वी वारुळवाडी येथे एक रुग्ण आढळून आल्याने वारुळवाडी कंटेंमेंट झोनमध्ये, तर नारायणगाव बफर झोनमध्ये समावेश करण्यात आला होता. मात्र, आज नारायणगाव कोरोनाचा शिरकाव झाला. त्यामुळे आरोग्य विभागाने या तरुणाच्या  संपर्कात आलेल्या व्यक्तीचा शोध सुरू केला आहे. 

हवेलीतील रुग्णांची संख्या पोहचली...

याबाबत वैद्यकीय अधिकारी डॉ. वर्षा गुंजाळ यांनी माहिती दिली की, या तरुणाची सासुरवाडी कसबा पेठ (पुणे) आहे. काही दिवसांपूर्वी ते कसबा पेठ येथे गेले होते. त्यानंतर त्यांना त्रास होऊ लागल्याने नारायणगाव येथील एका डॉक्टरकडे उपचार केले होते. तरुण व त्याची पत्नी या दोघांचीही कोरोना तपासणी करण्यात आली होती. त्यापैकी तरुणाचा अहवाल आज प्राप्त झाला. अद्याप त्याच्या पत्नीचा अहवाल आला नाही.

पुण्याच्या इतर बातम्या वाचण्यासाठी येथे क्लिक करा

सहायक पोलिस निरीक्षक घोडे पाटील म्हणाले की, मागील दोन दिवसांत मास्क न वापरणाऱ्या ६५ जणांवर कारवाई करून ३२ हजार ५०० रुपये दंड वसूल करण्यात आला आहे. सरपंच पाटे म्हणाले की, ग्रामस्थ व व्यापारी यांनी केलेल्या सहकार्यामुळे मागील चार महिने कोरोनाला अटकाव घालण्यात यश आले. लॉकडाउनमध्ये शिथिलता आल्यामुळे मागील आठ दिवसांत तालुक्यातील कोरोना रुग्ण संख्या दुप्पट झाली आहे. संसर्ग टाळण्यासाठी प्रशासनाने सांगितलेल्या सूचनांचे काटेकोर पालन करावे. शक्यतो प्रवास टाळावा. ज्येष्ठ नागरिक व लहान मुलांनी घराबाहेर पडू नये. बाहेर गावावरून आलेल्या व्यक्तीची माहिती ग्रामपंचायतीला द्यावी.