पुणे : देशातील पाचवा लॉकडाउन 30 जूनपर्यंत वाढविण्याचा निर्णय केंद्र सरकारने शनिवारी घेतला. मात्र, त्यात मंदिरे, हॉटेल्स आणि शॉपिंग मॉल्स 8 जूनपासून खुली करण्यात येणार आहे. तसेच देशार्तंगत आणि जिल्हातंर्गत वाहतूकही खुली करण्याचा निर्णय केंद्र सरकारने घेतला आहे. मात्र शाळा, महाविद्यालये 30 जूनपर्यंत बंदच राहणार आहेत. आता राज्य सरकारच्या सुधारित आदेशाकडे नागरिकांचे लक्ष लागले आहे. पुण्याच्या दृष्टीने लॉकडाउन5ची घोषणा चिंतेत टाकणार असली तरी, शहरातील कंटेन्मेंट झोनच्याबाहेर बऱ्याच गोष्टी सुरू होणार आहेत.
पुण्याच्या इतर बातम्या वाचण्यासाठी येथे क्लिक करा
लॉकडाउन असला तरी, जनजीवन सुरळीत करण्यासाठीच्या या मार्गदर्शक सूचना आहेत, असे, केंद्राने आदेशात म्हटले आहे. तसेच शैक्षणिक संस्थांबाबत राज्य सरकार संबंधित घटकांशी चर्चा करून त्या कधी सुरू करायच्या, याचा निर्णय जुलैमध्ये घेईल, असेही आदेशात म्हटले आहे. केंद्रीय आरोग्य विभाग या बाबत मार्गदर्शक सूचना जाहीर करणार आहे. तसेच राज्य सरकारने या बाबत स्थानिक परिस्थितीचा आढावा घेऊन केंद्राने सुचविलेल्या मार्गदर्शक सूचनांनुसार निर्णय घ्यायचा आहे. त्यामुळे आता राज्य सरकार या बाबत सुधारित आदेश कधी काढणार, त्यात काही बदल होणार का, याकडे लक्ष लागले आहे. तसेच प्रतिबंधित क्षेत्रातील निर्बंध केंद्र सरकारने कायम ठेवले आहेत.
पुण्यात काय सुरू, काय बंद?
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.