कोथरूडकरांनो, हे वागण बर नव्हं! कोरोना योध्दांनाच....

kothrud1.jpg
kothrud1.jpg

कोथरुड (पुणे) : येथे उभारलेल्या कोरोना क्वारंटाइन सेंटरमध्ये सुरक्षारक्षक म्हणून काम करणाऱ्या कामगारामुळे आपल्या वस्तीमध्ये कोरोना येईल, त्याला इथे येवू देवू नका, तिथेच त्याची रहायची व्यवस्था करा असे खोचक विधान एकाने केल्यामुळे हनुमाननगर मधील गणेश सोनवणे यांचे कुटूंबीय मनातून दुखावले आणि भयभीतही झाले. माझा पती कोरोना विरुध्दच्या लढाईत उतरला आहे. कोणी एक व्यक्ती त्याच्याबद्दल असे बोलून आम्हाला अस्पृश्यतेची वागणूक देण्याची भाषा करत असेल तर आम्ही काय करावे असा प्रश्न सोनवणेंच्या पत्नीला पडला.

सोनवणे कुटूंबियांच्या मनातील ही व्यथा नगरसेवक दिपक मानकर यांच्या कानावर गेली. आजवर बंधुभावाने एकत्र नांदणा-या वस्तीमध्ये अशा प्रकारचे दूषित वातावरण नको. कोरोनाचे संकट दूर व्हावे म्हणून जी मंडळी सेवाकार्य करत आहेत. त्यांना समाजाने पाठींबा दिला पाहिजे. या भावनेतून मानकर यांच्या कार्यकर्त्यांनी सोनवणे व त्यांच्यासारखेच काम करणा-या विविध कामगारांना पाठींबा देण्याचे ठरवले.

हलगी, टाळ्या वाजवत  कार्यकर्ते व वस्तीमधील नागरिकांनी सोनवणे यांचे अभिनंदन केले. त्यांच्यावर पुष्पवर्षाव केला. या कृतीमुळे सोनवणे यांचे कुटुंबिय भारावले. सुरक्षारक्षक म्हणून काम करणाऱ्यांना वस्तीत फिरकू देवू नका म्हणणाराही यामुळे ओशाळला व या कुटुंबांच्या कौतुक कार्यक्रमात सहभागी झाला.

यावेळी बोलताना नगरसेवक दिपक मानकर म्हणाले की,  डॉक्टर, नर्स, पोलिस, सफाई कर्मचारी हे शहर सुरक्षित राहण्यासाठी आपले सर्वस्व पणाला लावत आहेत. त्यांना आपण पाठींबा देण्याची गरज आहे. ही मंडळी सुरक्षेचे सगळे नियम पाळत असतात. कोरोना योध्दा म्हणून काम करणाऱ्यांना जर लोक त्रास देवू लागले  तर हे काम कोण करेल का याचा विचार जनतेने करावा. हे योध्दे सेवाभावाने काम करत आहेत. स्वच्छतेचे नियम पाळत करत आहेत. आपणही नियम पाळावेत म्हणजे कोरोनाचा त्रास होणार नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com