कोरोनाच्या लढाईसाठी बारामती आणखी सज्ज...या आहेत सुविधा 

Corona Test
Corona Test
Updated on

बारामती (पुणे) : कोरोना तपासणी प्रयोगशाळेपाठोपाठ आता बारामती "एमआयडीसी'तील रुई ग्रामीण रुग्णालयात कोविड हेल्थ सेंटर सुरू होत आहे.

पश्‍चिम महाराष्ट्रातील तालुकास्तरावरील हे पहिलेच कोविड हेल्थ सेंटर ठरणार आहे. मंगळवारपासून (ता. 19) हे सेंटर कार्यान्वित होणार आहे. उपमुख्यमंत्री अजित पवार यांच्या पुढाकारातून या दोन्ही गोष्टी मार्गी लागल्या आहेत. 

या कोविड हेल्थ सेंटरमध्ये पॉझिटिव्ह, परंतु मध्यम स्वरूपाची लक्षणे असणारे रुग्ण या ठिकाणी ठेवले जाणार आहे. ज्यांना एकापेक्षा अधिक स्वरूपाच्या व्याधी उदा. मधुमेह, रक्तदाब, कर्करोग, हृदयरोग अशा रुग्णांना मात्र पुण्याला हलविण्यात येणार आहे. विशेष म्हणजे लोकसहभागातून हे कोविड सेंटर उभारण्यात आले असून, 20 खाटांचा हा विभाग असेल. त्यापैकी 8 खाटा या अतिदक्षता विभागाच्या असतील. मध्यम स्वरूपाची लक्षणे असलेल्या रुग्णांना त्यामुळे पुण्याला पाठविण्याची गरज भासणार नाही. ही कायमस्वरूपी बारामतीकरांसाठीची सोय या निमित्ताने झाली आहे. 

कोरोनाची तपासणी शासकीय वैद्यकीय महाविद्यालयात होईल; तर मध्यम स्वरूपाची लक्षणे असलेल्या रुग्णाला कोविड हेल्थ सेंटरमध्ये दाखल करण्यात येईल. शासकीय वैद्यकीय महाविद्यालयाचे अधिष्ठाता डॉ. संजयकुमार तांबे, तालुका आरोग्य अधिकारी डॉ. मनोज खोमणे, सिल्व्हर ज्युबिली रुग्णालयाचे वैद्यकीय अधीक्षक डॉ. सदानंद काळे, रुई ग्रामीणचे वैद्यकीय अधीक्षक डॉ. सुनील दराडे यांनी यासाठी विशेष परिश्रम घेतले. 

पुण्याच्या इतर बातम्या वाचण्यासाठी येथे क्लिक करा 

उपविभागीय अधिकारी दादासाहेब कांबळे, नगराध्यक्षा पौर्णिमा तावरे, गटनेते सचिन सातव, ज्येष्ठ नगरसेवक किरण गुजर, संभाजी होळकर, मुख्याधिकारी योगेश कडुसकर, तहसीलदार विजय पाटील यांनी या प्रक्रियेत मोलाचा सहभाग दिला. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com