Pune : दिवाळी निमित्त विशेष मुलांकडून वस्तूंची निर्मिती

शिवाजीनगर : कामायनी प्रशिक्षण व संशोधन सोसायटी गोखलेनगर या संस्थेत शिक्षण घेत असलेले विशेष ( दिव्यांग) विद्यार्थी मागील एक महिन्यापासून दिवाळीच्या निमित्ताने विविध वस्तू बनवण्यात मग्न आहेत.

आपला परिसरात प्रकाशनाने उजळून निघावा यासाठी विद्यार्थ्यांनी रंगीबेरंगी आकाश कंदील, आकर्षक पणत्या, मेणबत्त्या, भाजणी उठणे, सुपारी तसेच हार , तोरण ,आकर्षक माळा, हातमाग व पॉवरलूम वर विणलेले टॉवेल , बेडशीट, फ्लोअर डस्टर किचन नॅपकिन्स इत्यादी वस्तू या विद्यार्थ्यांनी बनवल्या आहेत.

दिवाळी नुकतीच तोंडावर आली आहे. या निमित्ताने वरिल वस्तूंचे प्रदर्शन व विक्री मंगळवार व बुधवार ऑक्टोंबर दोन दिवस कामायनी कार्यालय गोखलेनगर येथे आसणार आहे.

मुलांनी बनवलेल्या वस्तू खरेदी करण्याची व पाहण्याची संधी पुणेकरांना आहे.