शिधापत्रिकाधारकांना २ महिन्यांचे आगाऊ धान्य मिळणार

Ration-Card
Ration-Card

पिंपरी - शिधापत्रिकाधारकांना येत्या मे आणि जून महिन्यांचे आगाऊ धान्य देण्याचे प्रयत्न शहर अन्न धान्य वितरण कार्यालयाकडून केले जात आहे.

सध्या सर्वत्र कोरोना विषाणू चा संसर्ग टाळण्यासाठी केंद्र आणि राज्य शासनाकडून व्यापक प्रमाणावर नियोजन केले जात आहे. त्याचाच, एक भाग म्हणून वरील निर्णय होण्याची शक्यता आहे. 

शहर अन्न धान्य वितरण कार्यालयातील सूत्रांनी दिलेल्या माहितीनुसार, यापूर्वी,सर्व शिधापत्रिका धारकांना ई-पॉस मशीनवर अंगठ्याच्या ठसा उमटविल्यावर धान्य दिले जात असे. परंतु, त्यातही आता सूट देण्यात आली आहे. रास्त भाव दुकानदाराने आधार कार्डावरून शिधापत्रिका धारकांची पडताळणी करण्याच्या सूचना ही कार्यालयाने दिल्या आहेत. सध्या एप्रिल महिन्याचे धान्य दुकानांपर्यंत पोचविले जात आहे. पुढील १५ दिवसांत मे आणि जून महिन्यांचे ही धान्य आगाऊ देण्याचे प्रयत्न अन्न धान्य वितरण कार्यालयाकडून केले जात आहेत.

शिवभोजन केंद्रे चालू राहणार
पिंपरी चिंचवड शहरात सध्या ४ शिवभोजन थाळी केंद्रे सुरू आहेत. तुर्तास ही केंद्रे बंद करण्याचे कोणतेही आदेश मिळाले नाहीत. त्यामुळे, ही सर्व केंद्रे चालू राहतील, असेही शहर अन्न धान्य वितरण कार्यालयाने म्हटले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com