Pune Crime News: पुण्यात कोयता घेऊन तरूणांची खुलेआम दहशत; थरारक घटनेचा Video Viral

पुणे : पुणे शहरामध्ये गेल्या काही दिवसांपासून कोयता बाळगून मध्यवर्ती भागात दहशत माजवण्याचे कृत्य काही तरूणांकडून सर्रास सुरू आहे. अशात शहरातील भारती विद्यापीठ पोलीस स्टेशनच्या हद्दीमध्ये असणाऱ्या सिंहगड लॉ कॉलेज परिसरात दोन तरुणांनी हातात कोयते घेऊन दहशत मजावल्याचा धक्कादायक प्रकार आता समोर आला.

हेही वाचा - क्रेडिट कार्ड वापरताय...मग या गोष्टी माहिती हव्याच....

तरूणांनी केलेल्या या दहशतीचा व्हिडिओ व्हायरल झाला आहे. तर या घटनेनंतर लगेच पोलिसांनी घटनास्थळी धाव घेत या तरूणांना पकडण्याची मोहीम राबवत यातील एका तरूणाला ताब्यात घेतले पण त्यातील एकजण पळून जाण्यात यशस्वी झाला. तर स्थानिकांनी या घटनेचा धसका घेतला आहे.(Pune Crime News)

दरम्यान, याआधीसुद्धा हडपसर भागात कोयता धारी तरूणांची टोळी सक्रिय झाली होती. त्या तरूणांनी केलेल्या दहशतीचा व्हिडिओ सुद्धा व्हायरल झाला होता. त्यामुळे आता पोलीस प्रशासन सक्रिय झाले असून या टोळ्यांविरोधात कारवाई केली जात आहे.