Baramati News : शिर्सुफळ मध्ये आढळला अनोळखी पुरुषाचा मृत्यूदेह

बारामती : तालुक्यातील शिर्सुफळ गावातील तलावामध्ये आज एक अनोळखी पुरुषाचा मृतदेह सापडल्याने खळबळ उडाली होती. या तलावातील पाण्यावर मृतदेह तरंगत असल्याचे समोर आल्यानंतर याबाबत पोलिसांना माहिती देण्यात आली. उपविभागीय पोलीस अधिकारी गणेश इंगळे, पोलीस निरीक्षक प्रभाकर मोरे तसेच पोलीस कर्मचाऱ्यांनी ग्रामस्थांच्या मदतीने सदर मृतदेह पाण्यातून बाहेर काढला.

पिवळ्या रंगाच्या दोरीने बांधून छातीवर व दोन्ही पायाला दगड बांधून सदर मृतदेह पाण्यात टाकून दिला असल्याचे सकृतदर्शनी दिसत असल्याचे पोलिसांनी सांगितले. संबंधित मृतदेहाच्या अंगावर कोणतेही कपडे नसून याप्रकरणी खूनाची शक्यता व्यक्त केली जात आहे. दरम्यान याबाबत पोलीस अधिक तपास करीत आहेत.

शिर्सुफळचे तंटामुक्त समितीचे अध्यक्ष सदाशिव लिंबाजी आटोळे यांचे जबाबावरुन आकस्मिक मयत दाखल करण्यात आले आहे. स्थानिक गुन्हे अन्वेषण पथक व बारामती तालुका पोलीस स्टेशनचे पथके संबंधित मृतदेहाचीओळख पटविण्याचे कार्यवाही करीत आहेत.