मुळशी : ग्रामपंचायतीचे अर्ज मुहर्तावर भरण्यासाठी गर्दीच गर्दी

भुकूम : मुळशी तालुक्यातील पंचेचाळीस ग्रामपंचयतीचे अर्ज भरण्यास आज दत्त जयंतीच्या मुहर्तामुळे आज मोठी गर्दी झाली होती. गर्दीमुळे पोलिस बंदोबस्त वाढवावा लागला होता. 

हे वाचा - 2021ला पृथ्वी होणार नष्ट; नॉस्ट्रेडॅमसची भविष्यवाणी ठरणार खरी?

तालुक्यातील ग्रामपंचायतीचे उमेदवारी अर्ज कासारअंबोली येथील सैनिक शाळेत स्विकारण्याची सोय करण्यात आली आहे. येथे चारचाकी गाड्यांची मोठी गर्दी झाली होती. सैनिकी शाळेतील  जागा कमी पडू लागल्यामुळे कासारअबोली, सुतारवाडी, शिंदेवाडी परिसरात गाड्या लावल्या होत्या.

या परिसरला मोठ्या यात्रेचे स्वरूप आले होते. तालुक्यातील हिंजवडी, माण, मारूंजी, कासारसाई, जांबे, घोटावडे, भुकूम येथील निवडणूका रंगतदार होणार हे निश्चित आहे. गावामध्ये पँनेल तयार झाले आहेत. 

प्रत्येक पँनेलचे उमेदवार एकत्रित अर्ज भरण्यास येत होते. त्यामुळे गर्दी वाढत होती. महिलांसाठी पन्नास टक्के राखीव जागा असल्यामुळे त्यांची संख्या लक्षणीय होती. अर्ज भरल्यावर फोटो सेशन काही उमेदवार करत होते. 

हे वाचा - 2021ला पृथ्वी होणार नष्ट; नॉस्ट्रेडॅमसची भविष्यवाणी ठरणार खरी?

उमेदवारी अर्ज भरण्याचा बुधवारी दुपारी तीन वाजता शेवट आहे.  आँनलाईन अर्ज, दाखले व स्वयंघोषीत पत्रे नोटराईज्ड करण्यासाठी महाईसेवा केंद्रातून ठिकठिकाणी गर्दी होत आहे. त्यातच सरोव्हर डाऊनचा प्रश्न निर्माण होत आहे.  उद्या शेवटचा दिवस असल्यामुळे आधिक गर्दी राहण्याची शक्यता आहे.