पुणे - क्रिप्टो करन्सीमध्ये गुंतवणूक केल्यास जास्त परतावा मिळेल, असे सांगून एक कोटी ७१ लाख रुपयांची फसवणूक केल्याप्रकरणात एका डॉक्टरचा जामीन अर्ज फेटाळण्यात आला. प्रथमवर्ग न्यायदंडाधिकारी अमोल शिंदे यांनी हा आदेश दिला.
डॉ. मोहित मुकेश नागर (वय-४५, रा. इंदिरा कॉलनी, बनी पार्क, जयपूर, राजस्थान) असे जामीन फेटाळण्यात आलेल्या डॉक्टरचे नाव आहे. याबाबत बाणेर येथील ५४ वर्षीय डॉक्टरने चतुश्रृंगी पोलिस ठाण्यात तक्रार दिली आहे.
फसवणूक झालेले डॉक्टर आणि आरोपी जयपूरमधील एकाच वैद्यकीय महाविद्यालयात शिकले होते. त्यामुळे त्यांची जवळची मैत्री झाली होती. आरोपी उपचारासाठी पुण्यात आला होता. त्याने फिर्यादी डॉक्टर आणि त्याच्या इतर मित्रांना डिजिटल चलनात गुंतवणूक केल्यास जास्त परतावा मिळेल, असे सांगून एक कोटी ७१ लाख रुपयांची फसवणूक केल्याचे समोर आले आहे.
या गुन्ह्यात जामीन मिळण्यासाठी डॉ. नागर याने अर्ज केला होता. त्यास सरकारी वकील विशाल मुरळीकर यांनी विरोध केला. आरोपीला जामीन झाल्यास तो तपासासाठी हजर होण्याची शक्यता कमी आहे. या गुन्ह्याची व्याप्ती मोठी आहे.
डॉ. नागर याने त्याच्या मुळ गावी सात कोटी रुपयाची मालमत्ता खरेदी केली आहे. या गुन्ह्याच्या सखोल तपासासाठी जामीन अर्ज फेटाळण्यात यावा, असा युक्तिवाद ॲड. मुरळीकर यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.