घोडेगाव (पुणे) : आंबेगाव तालुक्यातील गिरवली येथे आज तीन रुग्णांचे कोरोना रिपोर्ट पॉझिटिव्ह आले आहेत. या पूर्वी गिरवली येथे तीन रुग्ण पॉझिटिव्ह होते. त्यातील एकूण सहा रुग्णांपैकी एक रुग्ण बरा झाला आहे. त्यामुळे गिरवली गाव पूर्णपणे रेडझोनमध्ये आले आहे. तालुक्यात आतापर्यंत कोरोनाचे 43 रुग्ण सापडले असून, 36 रुग्णांवर उपचार सुरू आहेत, तर सात रुग्ण पूर्ण बरे होऊन घरी गेले आहेत.
गिरवली गावात पहिला कोरोना पॉझिटिव्ह रुग्ण 27 मे रोजी सापडला. त्यानंतर दोन रुग्ण पॉझिटिव्ह आले. हे तीनही रुग्ण मुंबईहून गावी आले होते. त्यातील पहिला रुग्ण बरा होऊन घरी आला आहे. एक जून रोजी दुसरा रुग्ण पॉझिटिव्ह झाला. आज ३ रुग्णांपैकी दोन महिला व एक पुरुष यांचा कोरना रिपोर्ट पॉझिटिव्ह आला आहे. हे तीनही जण मुंबई येथून आले आहेत. सही रुग्णांचे मुंबई कनेक्शन उघड झाले आहे. येथील तिसऱ्या रुग्णाच्या घरातीलच हे तीनही रुग्ण पॉझिटिव्ह मिळाले आहेत.
आंबेगाव तालुक्यात एकाच गावात सहा रुग्ण असल्याचे प्रशासनाने याची पूर्ण नाकाबंदी केली आहे. पूर्ण गावाचा सर्वे करण्यात येत आहे. आंबेगावात १६ ठिकाणी कन्टेनमेंट झोन जाहीर झाले आहे. शिनोली, फदालेवाडी, घोडेगाव, नारोडी, साकोरे, गिरवली, मंचर, वडगाव काशिंबेग, वळती, निरगुडसर, पारगाव, पेठ, एकलहरे, पिंगळवाडी, जवळे, अवसरी बुद्रुक या गावात रुग्ण आढळून आले आहे.
पुण्याच्या बातम्या वाचण्यासाठी येथे क्लिक करा
या ठिकाणी खबरदारीचा उपाय म्हणून गावाचे रस्ते सील करण्यात आले आहेत. आरोग्य कर्मचारी व पोलिस यंत्रणा डोळ्यात तेल घालून काम करत आहे. तालुक्यात दोन रुग्णांचे तपासणी रिपोर्ट येणे बाकी आहे. सोमवारनंतर गिरवली व नारोडी येथील काहींचे नमुने तपासणीसाठी पाठविले जाणार आहेत, असे गटविकास अधिकारी जालिंदर पठारी व आरोग्य अधिकारी डॉ. सुरेश ढेकळे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.