Pune : दीप महोत्सव २०२३ : शिवप्रेमी युवकांनी लावलेल्या शेकडो पणत्यांनी उजळली शिवजन्मभूमी

जुन्नर : दिवाळी पाडव्यानिमिताने मंगळवार ता.१४ रोजी सायंकाळी छत्रपती शिवाजी महाराजांचे जन्मस्थान असलेल्या किल्ले शिवनेरी दिपोत्सव साजरा करण्यात आला. यावेळी शेकडो पणत्यांनी शिवजन्मस्थान उजळून निघाले होते.

एक दिवा आपल्या राजासाठी या उपक्रमाअंतर्गत आपल्या पराक्रमी इतिहासाचा विसर न पडावा तसेच राजांसोबत असणाऱ्या हजारो मावळ्यांनी स्वराज्य निर्मीतीसाठी दिलेल्या बलिदानाची आठवणीसाठी जुन्नर शहर व परीसरातील शिवप्रेमी तरुण-तरुणी हा उपक्रम राबवित असून दीपोत्सवाचे हे पाचवे वर्ष होते.

नरेंद्र वाईकर यांच्या संकल्पनेतून साकारल्या जात असलेल्या उपक्रमास संकेत कवडे,विनोद थोरात, आशिष शेलार,पुनम बुट्टे पाटील,समृद्धी बुट्टे पाटील,डॉ. प्रसाद व मोनाली शिंगोटे,अमर गायकवाड,सिद्देश कवडे,उज्वला सावंत,सायली अडवळे, गौरी व अक्षदा शेखरे,किशोर घोडके ह्या शिवजन्मभूमी पुत्रांनी उत्साहाने सहभाग घेतला.