गराडे (पुणे) : पुरंदर तालुक्यातील सोनोरी गावाकडे जाणाऱ्या रस्त्याची मोठ्या प्रमाणात दुरवस्था झाली आहे. सासवड शहराची हद्द संपताच गणेश मंदिराजवळ या रस्त्यावर एवढ्या मोठ्या प्रमाणात पाणी साचते की, त्यातून चालतासुद्धा येते नाही. रस्त्याचे जणू तळेच होते. त्यामुळे या रस्त्याची तातडीने दुरुस्ती करण्याची मागणी नागरिकांनी केली आहे.
अंजिरांचे गाव म्हणून सोनोरी गावाची पुणे जिल्ह्यात ओळख आहे. येथील शेतकऱ्यांना दूध, फळे व शेती मालाच्या विक्रीसाठी सासवड ही जवळची बाजारपेठ आहे. त्यामुळे सातत्याने सासवडला जावे लागते. पण, जर पाऊस झाला, तर सासवड शहराची हद्द संपताच असलेल्या गणेश मंदिराजवळील रस्त्यावर मोठ्या प्रमाणात पाणी साचते. त्यामुळे या रस्त्यावरून प्रवास करणे अडचणीचे होते. त्यामुळे या रस्त्याची दुरुस्ती करण्याची व येथे पुलाची गरज असल्याचे माजी सरपंच सतीश शिंदे यांनी सांगितले.
या पुलाबाबत आपण आमदार संजय जगताप यांच्याकडे पत्र देऊन मागणी करणार असल्याचे शिंदे यांनी सांगितले. या वेळी तुकाराम झेंडे, गणेश मोरे, अण्णा काळे, रामभाऊ काळे, माजी सरपंच बाळासाहेब काळे यांनीही पूल व्हावा, अशी मागणी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.