लायगुडे हॉस्पिटलमध्ये 'या' सुविधा देण्यासाठी निधी वर्ग करण्याची मागणी

खडकवासला (पुणे) : कोरोनाच्या पार्श्वभूमीवर प्रभागातील मालुसरे रस्त्यावरील लगडमळा येथील स्व. मुरलीधर पांडुरंग लायगुडे पालिका दवाखान्यात ऑक्सिजन बेड, व्हेंटिलेटर व इतर वैद्यकीय साहित्य खरेदी करण्यासाठी 25 लाख रुपये वर्ग करण्याची मागणी केली आहे, अशी माहिती नगरसेवक हरिदास चरवड यांनी 'सकाळ'शी बोलताना दिली.

ताज्या बातम्यांसाठी डाऊनलोड करा ई-सकाळचे ऍप
​
पुण्याच्या बातम्या वाचण्यासाठी येथे ► क्लिक करा

वडगाव बुद्रुक येथील नगरसेवक हरिदास चरवड यांनी त्यांच्या सन २०२०-२१ प्रभाग क्रमांक ३३ अ साठीच्या अंदाजपत्रकातून 25 लाख रुपये कमी करून तो निधी लायगुडे दवाखान्यात ऑक्सिजन बेड, व्हेंटिलेटर व इतर वैद्यकीय साहित्य खरेदी करण्यासाठी वापरण्यात यावे असे पत्र शहराचे महापौर मुरलीधर मोहोळ आयुक्त विक्रम कुमार आणि स्थायी समितीचे अध्यक्ष हेमंत रासने यांना निवेदन दिले आहे.

पोलिस काढणार रेखाचित्रातून आरोपींचा माग; पाच दिवसांच्या अभ्यासक्रमाची सुरुवात

शहरात सध्या कोरोना विषाणूचा संसर्ग मोठ्या प्रमाणात वाढला आहे. रुग्ण संख्येचे दररोज नवनवे उच्चांक गाठत आहे. त्यामुळे, शहरात गंभीर परिस्थिती निर्माण झाली आहे. त्यातच वयोवृद्ध आणि अत्यवस्थ रुग्णांना व्हेंटिलेटर, ऑक्‍सिजन बेड न मिळाल्याने मृत्यूचे प्रमाणही वाढले आहे. ही तातडीची गरज लक्षात घेता सण २०२०-२१ च्या प्रभाग क्र 33 अ साठीच्या अंदाजपत्रकातून 25 लक्ष रुपये निधी कमी करून तो निधी लायगुडे हॉस्पिटल येथे ऑक्सिजन बेड, व्हेंटिलेटर व इतर वैद्यकीय साहित्य खरेदी करण्यासाठी वापरण्यात यावा. अशी मागणी नगरसेवक चरवड यांनी निवेदनाद्वारे केली आहे.