बारामतीमधील गाळेधारक म्हणतात...

baramati.jpg
baramati.jpg

बारामती : लॉकडाऊनच्या काळात सगळेच व्यवहार ठप्प  असल्याने सर्वांच्याच व्यवसायावर संकट आले आहे. या काळातील नगरपालिकेच्या गाळेधारकांचे जागा भाडे व घरपट्टी माफ करण्याची आता मागणी होऊ लागली आहे.

महाराष्ट्र नवनिर्माण सेनेचे प्रदेश उपाध्यक्ष अँड. सुधीर पाटसकर तसेच राष्ट्रवादीचे अँड. अमरेंद्र महाडीक यांनीही या प्रकारची मागणी एका निवेदनाद्वारे केली आहे. 
दरम्यान गाळेधारकांच्या या मागणीसाठी सह्या मिळविण्याची मोहिम ऑनलाईन पध्दतीने सर्व नियम पाळून सुरु असल्याचे या बाबतच्या निवेदनात नमूद केले आहे.

पुण्याच्या बातम्या वाचण्यासाठी येथे ► क्लिक करा 

मार्च 2020 ते टाळेबंदी पूर्णतः संपेपर्यंतच्या काळातील सर्व कर, भाडे माफ करण्यात यावे अशी सर्वांचीच मागणी आहे. या कालावधीत कोणालाही व्यवसायच करता आलेला नसल्याने उत्पन्नाचे सर्व मार्गच खुंटले आहेत. अशा काळात भाडे व घरपट्टीचा बोजा व्यावसायिकांवर पडणार आहे. त्यामुळे वेगळ्या आर्थिक संकटाला तोंड द्यावे लागणार असल्याने याचा सहानुभूतीने विचार करुन निर्णय घ्यावा अशी मागणी करण्यात आली आहे. 

दरम्यान, दुसरीकडे लॉकडाऊन सुरु झाल्याने 31 मार्च 2020 अखेर सर्व कर व इतर शुल्क भरण्यातही नागरिकांना अडचणी निर्माण झालेल्या असल्याने या काळासाठी कोणतेही दंड किंवा शास्तीचे शुल्क आकारु नये अशीही मागणी यात करण्यात आली आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com