'त्या' नर्सेसला कोविड सेवेतून सूट देण्याची केली जाते मागणी कारण...

औंध (पुणे) : महाराष्ट्र गव्हर्नमेंट नर्सेस असोसिएशन पुणे जिल्हा यांच्या वतीने येथील जिल्हा रुग्णालयातील परिचारीकांनी आपल्या विविध मागण्यांसाठी रुग्णालयाच्या प्रवेशद्वारासमोर सरकारचे लक्ष वेधून घेण्यासाठी आज सकाळी निदर्शने केली.

तंत्रज्ञानाच्या युगात यशस्वी व्हायचे असल्यास स्वतःला सिद्ध करा - अच्युत गोडबोले 

यामध्ये प्रामुख्याने परिचारिकांची सहा हजार रिक्त पदे भरण्यात यावीत, कंत्राटी व बंधपत्रित परिचारीकांना सरकारी सेवेत सामावून घ्यावे, कोविड सेवा संपल्यानंतर सात दिवस क्वारंटाइन ठेवले जावे, सेवा बजावताना दर्जेदार किट, मास्क ग्लोज पुरवले जावेत, ज्या परिचारिका  ह्रदयविकार, मधुमेह व इतर दुर्धर आजारांनी त्रस्त आहेत अशा परिचारिकांना  कोविड सेवेतून सूट देण्यात यावी, परिचारिकांना चार तास नियोजित कामाची वेळ असावी, पन्नास लाखाचा विमा परिचारिकांना तत्काळ लागू करण्यात यावा व परिचारिकांना सेवा देताना मृत्यू आल्यास अनुकंपा तत्वावर वारसास सेवेत दाखल करून घ्यावे, बाधित परिचारिकांना रुग्णालयात वीस टक्के राखीव खाटा असाव्यात, मुंबई महापालिकेप्रमाणे परिचारिकांना दर दिवशी तीनशे रुपये भत्ता देण्यात यावा  या मागण्यांचा समावेश होता.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

या सर्व मागण्या राज्य सरकारने तातडीने पूर्ण करण्यासंबंधी राज्य सरकारचे लक्ष वेधून घेण्यासाठी जिल्हा रुग्णालयाच्या प्रवेशद्वारावर सर्व परिचारिकांनी एकत्र येत निदर्शने केली. यावेळी रुग्णसेवा खंडित न करता काही परिचारिकांना सेवेत ठेवून निदर्शने करून परिचारिकांनी रुग्णांचीही काळजी घेतली. पुणे नर्सेस असोसिएशनच्या अध्यक्षा सुमन टिळेकर, अतिरिक्त सचिव रेखा थिटे, औंध पुणे जिल्हा रुग्णालयाच्या सहसचिव प्रेरणा भद्रे, अरुणा जाधव यांच्यासह वैशाली कर्डिले, प्रियांका जाधव, इंदू सरवदे, सुनीता कुंभार, दीपा माने, निवेदिता जव्हेरी, मंगल पांढरे या परिचारिका यावेळी  उपस्थित होत्या. 

औंध :- जिल्हा रुग्णालयाच्या प्रवेशद्वारासमोर आपल्या विविध मागण्यांसाठी  निदर्शने करताना परिचारिका.