पुणे - पुण्यातील तेजस गोखले या तरुणाने आपल्या खलबत्ता या उपक्रमा अंतर्गत पुण्यातील विविध मंदिरांची चित्रे व त्यामागील रंजककथा सांगणा-या ‘देव बिव’ या आगळ्यावेगळ्या प्रदर्शनाचे आयोजन केले आहे.
येत्या शनिवार दि. २७ व रविवार दि. २८ नोव्हेंबर रोजी भांडारकर रस्त्यावरील आर्ट टू डे गॅलरी येथे सकाळी १०.३० ते रात्रौ ८.३० या वेळेत सदर प्रदर्शन रसिकांसाठी विनामूल्य खुले असणार आहे. प्रदर्शनाचे उद्घाटन सुप्रसिद्ध मुलाखतकार सुधीर गाडगीळ यांच्या उपस्थितीत होईल.
मराठी भाषेसाठी काहीतरी करावे, या उद्देशाने आम्ही 'खलबत्ता' या उपक्रमाला सुरुवात केली असे सांगत तेजस गोखले म्हणाले, “पुणे शहराला मोठा इतिहास आहे. त्यामुळे येथील मंदिरे देखील तितकीच जुनी आणि हटके नावं असलेली आहेत. मराठी भाषेत त्यातही नव्या पिढीपर्यंत या मंदिरांच्या नावामागील रंजक कथा पोहोचाव्या या हेतूने आम्ही हे प्रदर्शन आयोजित करीत आहोत. या प्रदर्शनामध्ये शहरांतील २९ चित्रविचित्र नावे असलेल्या देवांच्या नावामागील रंजक कथा आम्ही मांडणार आहोत. या सांगताना त्या अवजड भाषेत न सांगता अगदी १० ते १२ ओळींमध्ये सांगितल्या आहेत.”
‘देव – बिव’ प्रदर्शनामध्ये पुण्यातील जिलब्या, भांग्या, पावट्या, खुन्या ही नावं मानाने मिरवणारे मारुती, गणपती, कृष्ण, राम, दत्त यांच्या नावांमागील रंजक कथा, चित्रे आणि दृकश्राव्य (audio visuals) स्वरूपात पाहता येणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.