Mohsin Shaikh Murder Row : 'सरकारने सोयीचे आरोपी शोधले होते'; निर्दोष मुक्ततेनंतर देसाईंची पहिली प्रतिक्रिया

पुण्यातील मोहसीन शेख हत्येप्रकरणातील संशयित हिंदू राष्ट्रसेनेचा अध्यक्ष धनंजय देसाईंसह सर्व २० आरोपींची निर्दोष मुक्तता करण्यात आली आहे, यानंतर धनंजय देसाई यांची पहिली प्रतिक्रिया समोर आली आहे.

२०१४ मध्ये शिवाजी महाराज यांची विटंबना केली होती . खरे आरोपी शोधायचे सोडून त्या वेळी सरकार ने त्यांच्या सोयीचे आरोपी शोधले होते असा आरोप देसाई यांनी केलाा आहे.

पुढे बोलताना धनंजय देसाई म्हणाले की, महाराष्ट्रात आघाडी सरकारला सत्ता जाणार आहे हे माहीत होतं, म्हणून तेव्हाच्या सरकारने पोलिसांचा वापर करून खोटे आरोपी तयार केले. आज न्यायालयाच्या लक्षात आलं की ही खोटी केस आहे. हिंदू राष्ट्र सेनेच्या २० जणांना आणि निष्पाप हिंदूंना वेठीस धरलं होतं. आज सगळे साक्षीदार खोटे निघाले आहेत.

एकूण ७ वर्ष मी कारागृहात काढली आहेत. तपास अधिकाऱ्यांना पण सांगून ठेवलं होतं की आरोपी कोण दाखवायचे आहेत. त्यांना आरोपी शोधायचे नव्हतेच. माझ्याकडे तपास दिला तर मी कदाचित शोधू शकतो की आरोपी कोण आहे.

कोर्टात आज एक ही साक्षीदाराने सांगितलं नाही की तिथे मी होतो. ते प्रामाणिक मुस्लिम आहेत. ती घटना म्हणजे एक अपघात होता पण माझ्यावर १२० कलम लावण्यात आला. राजकीय जिहाद सध्या सुरू आहे मात्र आगामी काळात भारतात हिंदू राष्ट्र ही चळवळ राबवणार आहोत असेही देसाई म्हणाले.

पुणे सत्र न्यायालयाने सबळ पुराव्या अभावी या २० जाणांची निर्दोष मुक्तता केली आहे. २ जून २०१४ ला पुण्यातील हडपसर परिसरात पुण्यातील एका आयटी कंपनीत काम करणाऱ्या मोहसीन शेखची जमावाने हत्या केली होती. याप्रकरणी पोलिसांनी हिंदू राष्ट्र सेनेचे प्रमुख धनंजय देसाईंसह २३ जणांना येरवड्यातून अटक केली होती.