....तर गय केली जाणार नाही : दिलीप वळसे पाटील यांचा 'या' खात्याला इशारा 

डी. के. वळसे पाटील
मंगळवार, 30 जून 2020

पावसाळ्याचे दिवस सुरू झाले आहेत. चक्रीवादळामुळे नादुरुस्त झालेल्या अंगणवाड्या शाळा ची दुरुस्ती त्वरित करावी. आदिवासी भागातील बेघर झालेल्या कुटुंबांना मदत होण्याच्या दृष्टीने नियोजन करावे. भात रोपांची नुकसान झाले आहे. अन्य ठिकाणी भात रोपे असल्यास ती उपलब्ध करून द्यावीत. कृषी व महसूल खात्याने संयुक्त पंचनामे करावेत. क्रीडा संकुल परिसरात गुन्हेगारीचे प्रमाण वाढले आहे. तेथे पोलीस गस्त वाढून गुन्हेगारीचा बिमोड करावा.

मंचर : आंबेगाव तालुक्यात महसूल व सार्वजनिक बांधकाम खात्याच्या कामकाजाविषयी जनतेकडून तक्रारीचे प्रमाण वाढले आहे. गेल्या आठवड्यात लाचलुचपत प्रतिबंधक खात्याने महसूल मधील दोन जणांवर कारवाई केली आहे. यापुढे आर्थिक देवाणघेवाणीचे प्रकार आढळून आल्यास गय केली जाणार नाही. असा इशारा राज्याचे कामगार उत्पादन शुल्क मंत्री दिलीप वळसे पाटील यांनी दिला.   

ताज्या बातम्यांसाठी डाऊनलोड करा ई-सकाळचे ऍप 
 

मंचर (ता.आंबेगाव) येथे सोमवारी कोविड व अन्य कामकाजाच्या झालेल्या आढावा बैठकीत वळसे-पाटील बोलत होते. यावेळी शरद बँकेचे अध्यक्ष देवेंद्र शहा, पंचायत समिती सभापती संजय गवारी, प्रांत अधिकारी जितेंद्र डूडी, उपविभागीय पोलिस अधिकारी गजानन टोम्पे, कार्यकारी अभियंता व्हि.आर.नाईक, एच.एस.नारखेडे, तहसिलदार रमा जोशी, गटविकासअधिकारी जालिंदर पठारे, कृषी अधिकारी टी.के.चौधरी तालुका आरोग्य अधिकारी डॉ.सुरेश ढेकळे, डॉ. चंदाराणी पाटील, सहाय्यक पोलिस निरीक्षक प्रदीप पवार, उपअभियंता एल.टी.डाके, एन.एन.घाटुळे, उपस्थित होते.

पुण्याच्या बातम्या वाचण्यासाठी येथे ► क्लिक करा

वळसे पाटील म्हणाले, " खरेदी खत, वारस हक्क नोंदी, सातबारा दुरुस्ती आदी कामांसाठी नागरिकांना हेलपाटे मारावे लागणार नाहीत याची काळजी घ्यावी. मंचर मंडलधिकारी यांच्याविषयी तक्रारींचे प्रमाण वाढले आहे. सार्वजनिक बांधकाम खाते व कंत्राटदारांचे साटेलोटे झाल्यामुळे रस्त्यांच्या कामाच्या दर्जाविषयी संशय निर्माण झाला आहे. रस्त्याच्या सर्व कामांची गुणवत्ता विभागाकडून चौकशी करावी असे आदेश यावेळी वळसे-पाटील यांनी दिले आहेत. कोरोना विषाणूंचा प्रादुर्भाव रोखण्यासाठी महसुल, आरोग्य, पोलीस व पंचायत समितीच्या अधिकार्‍यांनी चांगले काम केले आहे. पण, इतर कामांकडे ही प्रशासनाने लक्ष दिले पाहिजे. तालुका पातळीवरील विविध शासकीय समित्यांचा आढावा बैठका घेण्याचे व प्रशासन गतिमान होण्यासाठी प्रांताधिकारी यांनी काम करावे.

पुणे : लग्न समारंभांना होतीये गर्दी; शासनाच्या निर्णयाला केराची टोपली...

पावसाळ्याचे दिवस सुरू झाले आहेत. चक्रीवादळामुळे नादुरुस्त झालेल्या अंगणवाड्या शाळा ची दुरुस्ती त्वरित करावी. आदिवासी भागातील बेघर झालेल्या कुटुंबांना मदत होण्याच्या दृष्टीने नियोजन करावे. भात रोपांची नुकसान झाले आहे. अन्य ठिकाणी भात रोपे असल्यास ती उपलब्ध करून द्यावीत. कृषी व महसूल खात्याने संयुक्त पंचनामे करावेत. क्रीडा संकुल परिसरात गुन्हेगारीचे प्रमाण वाढले आहे. तेथे पोलीस गस्त वाढून गुन्हेगारीचा बिमोड करावा.
 

मृण्मयी देशपांडे म्हणते, ताजा भाजीपाला अन् फळे हे फक्त 'सेव्हन मंत्रा...  


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Dilip Walse Patil warns Department of Revenue and Public Works