पुण्यातील इंदिरानगर बसस्टाॅपबाबत काय झाले वाचा सविस्तर

बिबवेवाडी : स्वामी विवेकानंद मार्गावरील इंदिरानगर बसथांबा रस्त्याच्या विकासकामादरम्यान मुख्य जागेवरून पुढे घेत असल्याचा आरोप करत, नागरिकांनी यास विरोध केला. स्थानिककांनी मुळ जागेवर बसथांबा करण्यासाठी पथ विभागाला पत्र दिले आहे.

आणखी वाचा - पुण्यात रेड लाईट एरियातही घुसला कोरोना!

विवेकानंद मार्गावर इंदिरानगर, महेश सोसायटी चौक रहदारीच्या दृष्टीने अत्यंत महत्त्वाचे असून, या चौकातील रहदारीमुळे पुढील वाहतुकीचा ताण कमी होतो, परंतू रस्त्याच्या विकासकामांमध्ये बसथांबा हलवून पुढे आणला होता. त्यामुळे मुळातच मुख्य चौकात असलेल्या बस थांबल्यामुळे रहदारीचा अडथळा येत होता. पुन्हा बस थांबा पुढे आल्यामुळे राहदरील आणखी अडथळा येणार होता. याच कारणास्तव येथील रहिवाशांनी सदरील बाब संबंधित ठेकेदाराला निदर्शनास आणून दिली, परंतु ठेकेदार काम करण्यावर ठाम होता परंतु नागरिकांच्या विरोधामुळे बस थांबा पूर्वीच्या ठिकाणी लावावा लागला.

ठेकेदारांच्या मनमानी कारभारामुळे बसथांबा मूळ रस्त्याच्या पुढे येऊन रहदारीचा बोजवारा उडणार होता. त्यामुळे स्थानिकांनी विरोध करत बसथांबा मूळ जागेवर ठेवण्याची मागणी केली. संबंधित ठेकेदाराने थांबा बसवलेला नसून रस्त्याची इतर कामे सुरू ठेवली आहेत. नागरीक पथ विभागाचे अधिकारी व संबंधिताना पत्र व्यवहार करून बसथांबा मूळ जागेवर ठेवण्यासाठी परिस्थितीचा आढावा घेणार असल्याचे अविनाश सुगतेकर यांनी सांगितले.

पुण्याच्या बातम्या वाचण्यासाठी येथे क्लिक करा