पुणे मुंबई एक्सप्रेस वे ते पुणे-नगर, सातारा, नाशिक मार्गावरही प्रचंड वाहतूक कोंडी; वाहनांच्या रांगा

दिवाळीच्या सुट्ट्या आणि विकेंड यामुळे मोठ्या प्रमाणावर अनेक शहरांमध्ये वाहतूक कोंडीचं चित्र सध्या निर्माण झालं आहे. पुण्यातून बाहेर जाणाऱ्या महामार्गांवर मोठ्या प्रमाणावर वाहनांच्या रांगा लागल्या आहेत. मुंबई-पुणे एक्सप्रेस वेवर पुण्याच्या दिशेने येणाऱ्या मार्गिकेवर वाहतूक संथ गतीने सुरू आहे. मुंबई पुणे एक्सप्रेस वेसह पुणे-नगर, पुणे-नाशिक, पुणे-सातारा या मार्गांवरही वाहतूक कोंडी दिसून येत आहे. दिवाळी सणाच्या पार्श्वभूमीवर मोठ्या प्रमाणावर लोक गावी जाण्यासाठी निघाल्यानं ही वाहतूक कोंडी झालीय.