'विद्यार्थ्यांनो गावाकडे जाऊ नका!' पुणे पोलिस सहआयुक्तांनी का केले असे आवाहन?

पुणे : ''पुणे रेड झोनमध्ये आहे, तुमच्या माध्यमातून कोरोना गावाकडे शकतो. त्यामुळे तुम्ही इथेच राहा, अभ्यास करा. तुम्ही भविष्यातील प्रशासकीय अधिकारी आहात, तुम्ही पोलिसांप्रमाणे धोके पत्करुन लढल्यास तुम्हाला पुढील आयुष्यसाठी नक्कीच सकारात्मक ऊर्जा मिळेल,'' असे आवाहन पोलिस सहआयुक्त डॉ. रविंद्र शिसवे यांनी गावाकडे निघालेल्या स्पर्धा परीक्षेच्या विद्यार्थी वर्गाला केले आहे.

- ताज्या बातम्यांसाठी डाऊनलोड करा ई-सकाळचे ऍप

राज्य सरकारच्या आदेशानंतर राज्यात आणि परराज्यातील नागरिकांना त्यांच्या गावी जाण्यास परवानगी देण्यात आली. पुण्यात स्पर्धा परिक्षेचा अभ्यास करणारे विद्यार्थी ही त्यांच्या गावी परतू लागले होते. मात्र विद्यार्थी, नागरिक गावाला गेल्याने गावांमधील कोरोनाचा धोका वाढण्याची शक्यता पोलिसांनी व्यक्त केली.

- पुणे : स्पर्धा परीक्षेच्या विद्यार्थ्यांसाठी दिलासादायक बातमी; बसने घरी सोडणार तेही मोफत!

या पार्श्वभूमीवर पोलिस सहआयुक्त डॉ. शिसवे यांनी शहरातील स्पर्धा परीक्षेचा अभ्यास करणाऱ्या विद्यार्थी वर्गाशी व्हिडिओद्वारे संवाद साधला. "अनेक विद्यार्थी शहर सोडून गेले, तर अनेकजण अजूनही शहरात तग धरुन आहेत. सध्या प्रतिकूल परिस्थिती असली तरी आपण त्यावर मात करू शकतो.

पुणे रेड झोनमध्ये आहे, तुम्ही गावाकडे कोरोना घेऊन जाऊ नका, इथेच राहा, अभ्यास करा. तुम्ही भविष्यातील प्रशासकीय अधिकारी आहात, तुम्ही पोलिसांप्रमाणे धोके पत्करुन लढल्यास तुम्हाला नक्कीच ऊर्जा मिळेल." 

- पुणे : आकडा वाढतोय; जिल्ह्यातील कोरोना बाधितांची संख्या ४ हजारांवर!

विद्यार्थी वर्गाने शहरातच राहावे, त्यांना कुठलीही अडचण आल्यास आम्ही त्यांना सहकार्य करू. शहराचा पोलिस सहआयुक्त म्हणून, तुमचा मित्र किंवा थोरला भाऊ या नात्याने विद्यार्थी वर्गाला आवाहन करतो, त्यांनी शहर सोडू नये, असेही आवाहन डॉ. शिसवे यांनी केले आहे.

- 'लॉकडाउन'चा मुक्काम अखेर वाढला; पुण्यात काय चालू काय बदं?

पुण्याच्या बातम्या वाचण्यासाठी येथे ► क्लिक करा