पुणे ः पुण्याच्या जिल्हाधिकारीपदी अखेर डॉ. राजेश देशमुख यांची राज्य सरकारने सोमवारी नियुक्ती केली. मुंबईतील हाफकिन संस्थेत डॉ. देशमुख सध्या व्यवस्थापकीय संचालक आहेत.
जगभरातील इतर बातम्या वाचण्यासाठी येथे क्लिक करा
पुण्याचे तत्कालीन जिल्हाधिकारी नवलकिशोर राम यांची पंतप्रधान नरेंद्र मोदी यांच्या कार्यालयात नुकतीच नियुक्ती झाली आहे. गेल्या रविवारी आपल्या पदाचा कार्यभार जिल्हा परिषदेचे मुख्य कार्यकारी अधिकारी आयुष प्रसाद सोपवून नवलकिशोर राम दिल्लीला रवाना झाले होते. त्यानंतर सात दिवसांनी राज्य सरकारने देशमुख यांची नियुक्ती केली आहे. देशमुख यांच्या जागेवर कुणाल खेमनार यांची नियुक्ती झाली आहे.
म्हाडाचे मुख्य कार्यकारी अधिकारी योगेश म्हसे पाटील, पीएमआरडीएचे आयुक्त सुहास दिवसे, लातूरचे जिल्हाधिकारी जी. श्रीकांत आदींची नावे पुण्याच्या जिल्हाधिकारीपदाच्या स्पर्धेत होती. मात्र, त्यात डॉ. देशमुख यांनी पसंती मिळाली आहे. यवतमाळमध्ये त्यांनी शेतकऱयांच्या आत्महत्या कमी करण्यासाठी केलेल्या उल्लेखनीय कामगिरीमुळे त्यांचे नाव देशपातळीवर पोचले आहे.
या पूर्वी ते सातारा जिल्हा परिषदेचे मुख्य कार्यकारी अधिकारी, यवतमाळचे जिल्हाधिकारी होते. पुण्यात कोरोनाने थैमान घातले आहे. त्यामुळे पुण्यावर राज्य सरकार आणि केंद्र सरकारचे बारकाईने लक्ष आहे. या पार्श्वभूमीवर डॉ. देशमुख कसे काम करतात, याकडे लक्ष लागले आहे. पुणे शहर, पिंपरी चिंचवड आणि जिल्ह्यात कोरोनाचे एकूण रुग्ण सध्या 1 लाख 25 हजारवर पोचले आहेत. तर, 9 मार्चपासून 3 हजार 22 जणांचा मृत्यू झाला आहे. आजअखेर 95 हजार 865 रुग्ण कोरोनामुक्त झाले आहेत. पुणे शहरात 74 हजार तर, पिंपरी चिंचवडमध्ये 35 हजार तर, जिल्ह्यात 15 हजार रुग्ण आहेत.
(Edited by : Sagar Diliprao Shelar)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.