शिवसेना-  राष्ट्रवादी काँग्रेसचा वाद, पदाधिकाऱ्यांनी घातला अधिकाऱ्यास घेराव

राजगुरूनगर (पुणे) : शिवसेना आणि राष्ट्रवादी काँग्रेसच्या मतभेदामुळे खेड पंचायत समितीच्या नवीन इमारतीचे काम रखडल्याबद्दल शिवसेना पदाधिकाऱ्यांनी जिल्हा परिषदेच्या खेड विभागाच्या उपअभियंत्यांना आज घेराव घातला. तसेच, मंजूर इमारतीच्या नियोजित जागेतच काम सुरू करण्याचा आग्रह धरून काम सुरू होण्यासाठी त्या जागेतील झाडे तोडली.

पुण्याच्या इतर बातम्या वाचण्यासाठी येथे क्लिक करा

सध्याच्या खेड पंचायत समितीच्या इमारतीसमोर वाडा रस्त्याच्या पलीकडे जुन्या बांधकाम विभागाच्या कार्यालयाच्या व विश्रामगृहाच्या जागेत खेड पंचायत समितीच्या नवीन इमारतीचे ५ कोटी रुपयांचे काम मंजूर झालेले आहे. सर्व प्रक्रिया पूर्ण होऊन ठेकेदारही नेमला गेला. या कामाचे भूमिपूजन १४ सप्टेंबर २०१९ रोजी माजी खासदार शिवाजीराव आढळराव पाटील व माजी आमदार सुरेश गोरे यांच्या हस्ते झाले होते. दरम्यान, विधानसभेच्या निवडणुका झाल्या आणि राष्ट्रवादी कांग्रेचे दिलीप मोहिते हे आमदार झाले. त्यानंतर त्यांनी उपमुख्यमंत्री अजित पवार यांना हा परिसर दाखविला आणि हे काम थांबवून सध्याच्या इमारतीतच नवीन आराखडा करण्यास मंजुरी देण्याची मागणी केली. त्यामुळे काम थांबले होते. 

लाॅकडाउनमध्ये शेतीच्या कामांसाठी आहेत या नियम व अटी

त्यानंतर काही दिवस वाट पाहून शिवसेनेने आज आक्रमक पवित्रा घेतला. सभापती अंकुश राक्षे, उपसभापती ज्योती अरगडे, रामदास धनवटे, शिवाजी वरपे, विजया शिंदे, सुनीता सांडभोर, वैशाली जाधव, अमर कांबळे, सुरेश चव्हाण, उर्मिला सांडभोर, किरण गवारे, बाळासाहेब ताये, सुनील टाकळकर, दिलीप तापकीर आदी शिवसेना पदाधिकाऱ्यांनी उपअभियंता एस्. बी. कानडे यांना सकाळी घेराव घातला. त्यानंतर कानडे यांनी बांधकामाला अडथळे ठरणारी झाडे तोडण्याचे रितसर परवानगीचे पत्र दिल्यावर पदाधिकाऱ्यांनी समक्ष उभे राहून झाडे तोडून घेतली. तसेच, ताबडतोब काम सुरू करण्यास सांगितले. 

Edited by : Nilesh Shende