फायनान्स कंपनीलाच घातला 51 लाखांना गंडा; कसा? वाचा सविस्तर

Crime-Fraud
Crime-Fraud

पुणे : फायनान्स कंपनीला आठजणांनी बनावट कागदपत्रे सादर केली आणि त्याद्वारे फायनान्स कंपनीला 51 लाख 40 हजार रूपयांचे कर्ज घेत कंपनीची फसवणूक केली. याप्रकरणी समर्थ पोलिस ठाण्यात गुन्हा दाखल करण्यात आला आहे.

मयुर मुकिंदा चौधरी, उषा मुंकिंदा चौधरी, कपील सरवदे, रूपाली कपील सरवदे यांच्यासह आणखी चार जणांविरुद्ध फसवणुकीचा गुन्हा दाखल करण्यात आला आहे. याप्रकरणी जितेंद्र कल्याणजी खंत (वय 65, रा.कांदीवली पूर्व, मुंबई) यांनी याबाबत फिर्याद दिली आहे.

हा प्रकार 26 डिसेंबर 2018 पासून आत्तापर्यंत घडला आहे. दाखल फिर्यादीनुसार, फिर्यादी यांच्या आनंद हौसिंग फायनान्स कंपनीत गृहकर्ज मिळविण्यासाठी संशयित आरोपींनी खोट्या नावाची कागदपत्रे बँक खात्याची कागदपत्रे, सेल डीड, बांधकाम कंपनीचे डिमांड लेटर, ना हरकत प्रमाणपत्र अशी बनावट कागदपत्रे बनवून ती खरी असल्याची भासवून कंपनीला सादर केली. त्यानंतर कंपनीकडून 51 लाख 40 हजारांचे कर्ज मिळविले.

दरम्यान, फसवणूक झाल्याचा प्रकार कंपनीच्या लक्षात आल्यानंतर त्यांनी याबाबत समर्थ पोलिस ठाण्यात गुन्हा दाखल केला.

- पुण्याच्या बातम्या वाचण्यासाठी येथे ► क्लिक करा

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com