बारामती (पुणे) : एटीएम केंद्रामध्ये भरायला दिलेल्या पैशांचा अपहार केल्याप्रकरणी बारामतीत सात जणांवर गुन्हा दाखल करण्यात आला आहे. या प्रकरणी 3 कोटी 2 लाख रुपयांचा अपहार झाल्याचे प्राथमिक तपासात निष्पन्न झाले आहे. विविध बँकांच्या एटीएममध्ये भरण्यासाठी दिलेली रक्कम न भरता परस्पर अपहार केल्याप्रकरणी हा गुन्हा दाखल झाला आहे.
या प्रकरणी नितीन बापू चव्हाण, अमरसिंह ज्ञानदेव पवार, महेश शिवाजी पवार (तिघे रा. को-हाळे खुर्द, ता. बारामती), अभिषेक चंद्रकांत खरात व स्वप्निल दिनकर आगम ( दोघे रा. कसबा, बारामती), विक्रम सुनील भोसले (रा. निरावागज, ता. बारामती) व राजेंद्र बारकू जोगदंड (रा. आर्वी, ता. दौंड) अशी गुन्हा दाखल झालेल्यांची नावे आहेत.
याबाबत शहर पोलिस ठाण्यात सिक्युअर व्हॅल्यू इंडिया लिमिटेड ( खराडी, पुणे) कंपनीचे शाखाधिकारी संदीप सुधाकर केतकर (रा. एरंडवणे, पुणे) यांनी फिर्याद दिली आहे. ही कंपनी विविध बॅंकांच्या एटीएममध्ये रक्कम भरण्याचे काम करते.
कंपनीच्या बारामती शाखेने रक्कम भरण्यासाठी दोन मार्ग निश्चित केले आहेत. या मार्गावर वेगवेगळ्या 54 एटीएम केंद्रावर रक्कम भरली जाते. त्यासाठी संबंधित एटीएमचे अॅडमिन कार्ड, पासवर्ड व अन्य साधने कर्मचाऱायंना दिली जातात. 14 ऑक्टोबर 2020 रोजी बारामतीतील एका एटीएम केंद्रात 50 हजार रुपयांची रक्कम कमी असल्याचे आढळून आल्यानंतर कंपनीने सर्व केंद्रांचे लेखापरीक्षण केले. 8 फेब्रुवारीच्या लेखापरीक्षणातही गडबड झाल्याचे कंपनीच्या लक्षात आले. त्या नंतर सखोल चौकशी केली असता एका मार्गावर सुमारे 1 कोटी 63 लाख तर दुस-या मार्गावर सुमारे 1 कोटी 39 लाख अशी 3 कोटी 2 लाख रुपये रक्कम कमी असल्याचे लक्षात आले.
संबंधित एटीएमला खोट्या नोंदी करत कॅश बॅलन्सिंग रिपोर्टमध्ये त्या रकमा दाखवत आरोपींनी स्वतःच्या फायद्यासाठी या रकमा वापरत सिक्युअर व्हॅल्यू इंडिया लिमिटेड कंपनीची आर्थिक फसवणूक केल्याचे फिर्यादीत म्हटले आहे.
- पुण्याच्या बातम्या वाचण्यासाठी येथे ► क्लिक करा
(Edited by: Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
