पावसाळ्यात कोरोनाचा प्रादुर्भाव टाळण्यासाठी उपाययोजनांवर भर - नवल किशोर राम

पुणे - संभाव्य आपत्कालीन परिस्थितीमध्ये सर्व यंत्रणांनी पावसाळ्यापूर्वी अत्यावश्यक कामे पूर्णत्वास न्यावीत. तसेच, पावसाळ्यात कोरोनासह इतर साथीच्या रोगांचा प्रादुर्भाव वाढू नये यासाठी उपाययोजना कराव्यात, अशा सूचना जिल्हाधिकारी नवल किशोर राम यांनी दिल्या.

ताज्या बातम्यांसाठी डाऊनलोड करा ई-सकाळचे ऍप

जिल्हाधिकारी कार्यालयात बुधवारी मॉन्सूनपूर्व तयारी आणि जिल्हा आपत्ती व्यवस्थापन प्राधिकरणाची बैठक पार पडली. या वेळी जिल्हाधिकारी राम यांनी संबंधित विभागांच्या अधिकाऱ्यांना सूचना दिल्या.

पाटबंधारे विभागाने जिल्ह्यातील सर्व धरणांच्या धरण सुरक्षेच्या दृष्टीने नियोजन करावे. जिल्ह्यातील सर्व धरणांची बांधकाम तपासणी करुन गळतीबाबत कार्यवाही करावी. नदीपात्रातील अतिक्रमणे काढावीत.

पुणे : लॉकडाउनचे नियम शिथिल झाले अन् कोरोनाने दिवसभरात घेतले आतापर्यंतचे सर्वाधिक बळी! 

सार्वजनिक बांधकाम विभाग, जिल्हा परिषदेने धोकादायक पूल, जुन्या इमारती, वाड्यांच्या बांधकामांची तपासणी करावी. सर्व रस्त्यांचे पट्टे भरुन घ्यावेत. महामार्गालगत, रस्त्यालगत उत्खननामुळे बंद झालेल्या मोऱ्या कार्यान्वित कराव्यात. धोकादायक ठिकाणी प्रवेश बंद करून फलक लावावेत.

जिल्हा शल्य चिकित्सक आणि जिल्हा परिषदेच्या आरोग्य विभागाने पूर नियंत्रण व आपत्ती व्यवस्थापनासाठी आरोग्यविषयक स्वतंत्र कक्ष स्थापन करावा. आपत्कालीन ॲम्ब्युलन्सचा टोल फ्री क्रमांक सर्व विभागांना देण्यात यावा. तसेच आपत्ती व्यवस्थापनासाठी समन्वय अधिकारी, कर्मचारी यांचे पत्ते व संपर्क क्रमांकासह जिल्हा नियंत्रण कक्षास यादी सादर करावी.

विद्यार्थ्यांनो, परीक्षा रद्द केल्यास 'कोरोना बॅच'चा शिक्का मारला जाणार 

कृषी विभागाने गारपीट, अवकाळी पाऊस झाल्यास, शेतकऱ्यांच्या पिकांचे नुकसानीचे पंचनामे पूर्ण करुन अहवाल सादर करावा. या कामासाठी तलाठी, ग्रामसेवक, कृषी अधिकारी, यांनी समन्वय ठेवावा.