हिवरे बुद्रुक-सहकारनगरमध्ये १८० कुटुंबांना आरएसएस अन् ज्येष्ठ नागरिक संघांचा आधार

जुन्नर : हिवरे बुद्रुक-सहकारनगर ता.जुन्नर येथील आनंद जेष्ठ नागरिक संघ व जुन्नर तालुका राष्ट्रीय स्वयंसेवक संघ यांच्या संयुक्त विद्यमाने दोन हजार किलो धान्य तसेच अन्य जीवनावश्यक वस्तूंचे शुक्रवारी (ता.१८) वाटप करण्यात आले. तालुक्यातील १८० गरजू कुटुंबांना याचा लाभ झाला आहे.

- लॉकडाऊन शिथील होताच आत्महत्यांच्या घटना वाढल्या; काय आहेत याची कारणे?

यावेळी संघाचे अध्यक्ष किसनराव आरुटे, सचिव बबनराव भोर, योगाचार्य डॉ. दत्ता शास्त्री देशमुख तसेच राष्ट्रीय स्वयंसेवक संघाचे कार्यवाह संदीप धानापुनेे व संतोष परदेशी तसेच ग्रामस्थ उपस्थित होते.

- 'अंतिम वर्षाच्या परीक्षेचा निर्णय...'; सरकारच्या निर्णयाबाबत विद्यार्थ्यांचं म्हणणं काय?

ग्रामस्थांच्या सहकार्यातून तालुक्यातील गोर-गरीब व गरजू कुटुंबातील अनाथ, अपंग, दिव्यांग, विधवा महिला व मजुरी करून पोट भरणाऱ्या मजुरांना गहू, तांदूळ, बाजरी आदी धान्य तसेच जीवनावश्यक वस्तू तेल, डाळ, साखर, साबण, बिस्किटे, सॅनिटायझर मोफत देण्यात आले. 

- ...तरी चीनच्या अर्थव्यवस्थेवर काही फरक पडणार नाही; असं का म्हणाले चिदंबरम?

देशात कोरोनाच्या संकटाच्या पार्श्वभूमीवर  लॉकडाऊन  केल्याने अनेक उद्योगधंदे, दुकाने बंद आहेत. त्यामुळे गोर-गरीब गरजू कुटुंबाची उपासमार होवू नये यासाठी हा उपक्रम हाती घेण्यात आला होता.

सुप्यातील शैक्षणिक संकुल, आरोग्य सुविधेबाबत उपमुख्यमंत्री म्हणाले...