काय करावं या पुणेकरांचं? सगळं बंद तरीही रस्त्यावर वर्दळ सुरूच!

Traffic
Traffic
Updated on: 

पुणे : रविवारी दिवसभर सूट दिल्यानंतर सोमवारी (ता.२०) मात्र दूध, जीवनावश्‍यक वस्तू आणि औषधांची दुकाने वगळता अन्य सर्व वस्तूंची बाजारपेठ बंदच राहिली. मात्र, रस्त्यावर वर्दळ पाहावयास मिळाली. काही भागात दुपारी बारानंतर पोलिसांनी वाहने अडविण्यास सुरूवात केली. 

शहरातील वाढता कोरोनाचा प्रादुर्भाव रोखण्यासाठी पुणे महापालिकेने शहरात १३ जुलेैच्या रात्रीपासून २३ जुलैपर्यंत पुन्हा लॉकडाऊन घोषित केला आहे. मात्र, पहिल्या पाच दिवसात म्हणजे १९ जुलैपर्यंत औषधे आणि दूध वगळता कोणत्याही दुकानांना परवानगी देण्यात आली नव्हती. मात्र, रविवारी एक दिवस सकाळी दहा ते सायंकाळी सहा या वेळेत सर्व दुकाने खुली करण्यास परवानगी दिली होती. त्यामुळे काल दिवसभरात मटणाच्या दुकानापासून ते जीवनावश्‍यक वस्तूंची खरेदी करण्यासाठी शहरात सर्वत्र गर्दी उसळली असल्याचे चित्र होते. सोमवारपासून जीवनावश्‍यक वस्तू, दूध, औषधांची दुकाने सकाळी आठ ते बारापर्यंत खुली करण्यास महापालिकेकडून परवानगी देण्यात आली आहे.

आज सोमवारी पहिल्याच दिवशी शहर आणि उपनगरातील जीवनावश्‍यक वस्तूंची दुकाने वगळता बहुतांशी दुकाने बंदच होती. काही भागात दुपारी बारानंतर जीवनावश्‍यक वस्तूंची दुकानेही पोलिसांनी बंद करण्यास भाग पडले. तर काही ठिकाणी ती दुपारी उशिरापर्यंत उघडी होती. मात्र १० ते १५ टक्के कर्मचाऱ्यांच्या उपस्थितीत शासकीय कार्यालये खुली करण्यास परवानगी देण्यात आली असल्यामुळे रस्त्यावर आज वर्दळ दिसत होती. काही ठिकाणी दुपारी बारानंतर पोलिसांनी रस्ते अडवून वाहतूक बंद केली. तर काही भागात मात्र सायंकाळपर्यंत ती सुरू होती. 

पुणे महापालिकेने २३ जुलैपर्यंत लॉकडाऊन लागू केला आहे. त्यामुळे रविवार पेठ आणि बोहरी आळी परिसरातील सर्व दुकाने आज बंद होती. 
- राजू पवार (सचिव, पुणे शहर व्यापारी असोसिएशन) 

 - पुण्याच्या बातम्या वाचण्यासाठी येथे क्लिक करा

(Edited by : Ashish N. Kadam)

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Auto Rickshaw Drivers Protest in pune
India International Open Taekwondo Championship 2026
Water Security 2051
pune grand tourAI Technology Used for Road Quality Inspection for the First Time in Maharashtra