खंडणी प्रकरण : मंगलदास बांदल उपचारासाठी ससूनमध्ये दाखल

पुणे : खंडणीच्या प्रकरणात अटकेत असलेल्या मंगलदास बांदल यास घशात त्रास होऊ लागल्याने मंगळवारी (ता.१) ससूनमध्ये दाखल करण्यात आले. रुग्णालयाने सोडल्यानंतर बांदल यास न्यायालयात हजर केले जाणार आहे.

- बातम्या ऐकण्यासाठी डाऊनलोड करा ई-सकाळचे ऍप

सराफी व्यावसायिकाकडे ५० कोटी रुपयांची खंडणी मागितल्याप्रकरणी बांदल यास पुणे पोलिसांच्या अंमली पदार्थ व खंडणी विरोधी विभागाने अटक केली होती. त्यानंतर बांदल यास न्यायालयाने 1 एप्रिलपर्यंत पोलीस कोठडीत ठेवण्याचा आदेश दिला होता.

- मोठी बातमी : पाण्यापेक्षा स्वस्त झालंय कच्चं तेल; दर 18 वर्षांच्या नीचांकी पातळीवर!

दरम्यान, बुधवारी पोलिस कोठडी संपणार असल्याने मंगळवारी नियमितपणे होणाऱ्या वैद्यकीय तपासणीसाठी बांदल यास ससून रुग्णालयात दाखल करण्यात आले होते. वैद्यकीय तपासणी झाल्यानंतर डॉक्टरांनी बांदल यास घशात त्रास होत असल्याचे कारण पुढे करून उपचारासाठी रुग्णालयात दाखल करून घेतले.

- Coronavirus : WHO ने केलीय चीनसोबत हातमिळवणी? अमेरिकन सिनेटरने केला आरोप!

याविषयी अंमली पदार्थ व खंडणी विरोधी विभागाचे पोलीस निरीक्षक राजेंद्र मोहिते म्हणाले, "बांदल यास नियमित वैद्यकीय तपासणीसाठी ससूनमध्ये नेले होते. त्यावेळी डॉक्टरांनी त्यास घशात त्रास होत असल्याने उपचारासाठी दाखल केले आहे. त्यांनी सोडल्यानंतर त्यास न्यायालयात हजर केले जाईल."

- Fight with Corona : पाकमधील हिंदू-ख्रिश्चनांना शाहिद आफ्रिदीचा मदतीचा हात!