महात्मा फुले यांनी पुण्यात २४ सप्टेंबर १८७३ रोजी सत्यशोधक समाजाची स्थापना केली. २४ सप्टेंबर २०२२ रोजी सत्यशोधक समाजाला १४९ वर्षं पूर्ण होऊन दिडशेव्या वर्षात पदार्पण करत आहे.
पुणे - महात्मा फुले यांनी पुण्यात २४ सप्टेंबर १८७३ रोजी सत्यशोधक समाजाची स्थापना केली. २४ सप्टेंबर २०२२ रोजी सत्यशोधक समाजाला १४९ वर्षं पूर्ण होऊन दिडशेव्या वर्षात पदार्पण करत आहे. या ऐतिहासिक घटनेच्या शतकोत्तर सुवर्णमहोत्सवाचे औचित्य साधून इतिहास विभागातर्फे विद्यापीठाच्या मुख्य इमारतीतील संग्रहालयात सत्यशोधक साहित्याचे प्रदर्शन आयोजित केले आहे.
लंडनच्या ब्रिटिश लायब्ररीतून मिळविलेल्या सत्यशोधक साहित्यासह विद्यापीठाचे जयकर ग्रंथालय, फर्ग्युसन कॉलेजचे वाडिया ग्रंथालय, शाहू वाचनालय काकडवाडी, दीनमित्रकार मुकुंदराव पाटील स्मृती ग्रंथालय (कुकाणे), शिवाजी विद्यापीठ येथील ग्रंथालय अशा विविध ग्रंथालयांमधून सत्यशोधक साहित्याच्या प्रती जनतेला पाहण्यासाठी यावेळी उपलब्ध करून दिल्या जाणार आहेत. सत्यशोधक विचारांची पुस्तके, वृत्तपत्रे आणि कार्यकर्त्यांची माहिती या प्रदर्शनात मांडली जाईल, अशी माहिती विद्यापीठाच्या इतिहास विभागप्रमुख डॉ. श्रद्धा कुंभोजकर यांनी दिली.
विद्यापीठाच्या ब्रिटिशकालीन मुख्य इमारतीत पहिल्या मजल्यावरील इतिहासविषयक संग्रहालयामध्ये विद्यापीठाचे प्रभारी कुलगुरू डॉ. कारभारी काळे यांच्या हस्ते २४ सप्टेंबर रोजी सकाळी १० वाजता या प्रदर्शनाचे उद्घाटन होणार आहे. त्याचदिवशी हे प्रदर्शन सकाळी दहा ते दुपारी चार या वेळात सुरू राहणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.