पुणे - ‘एमराल्ड हॉल’चे कंत्राट टिकवून ठेवण्यासाठी केटरिंग व्यावसायिकाकडून ‘दि पुणे पोस्ट अँण्ड टेलिकॉम को-ऑप. क्रेडिट सोसायटी’च्या संचालकांनी ६० लाखांची खंडणी मागितल्याचा प्रकार समोर आला आहे. .याबाबत अजय सयाजीराव देसाई (वय ५९, रा. सिंहगड रस्ता) यांनी विश्रामबाग पोलिस ठाण्यात फिर्याद दिली आहे. त्यानुसार पोलिसांनी सदाशिव पेठेतील पुणे पोस्ट ॲण्ड टेलिकॉम को-ऑप. क्रेडिट सोसायटीचे सचिव गणेश भोज, संचालक नागेश नलावडे, चेअरमन उमाकांत वालगुडे, दीपक धुमाळ, दिनेश खोडके, व्यवस्थापक राजन कामठे आणि नितीन वाघमारे या संशयितांवर खंडणीचा गुन्हा दाखल केला आहे..पोलिसांनी दिलेल्या माहितीनुसार, फिर्यादी देसाई यांनी २०२१ मध्ये म्हाळुंगे येथील बंद असलेला एमराल्ड हॉल स्वखर्चाने नूतनीकरण करून सुरू केला होता. हॉलचा व्यवसाय चांगला सुरू झाल्याचे पाहून आरोपींनी रोख पैशांची मागणी केली. ‘दुसरा केटरर्स ६० लाख देण्यास तयार आहे, कंत्राट टिकवायचे असल्यास ५५ लाख द्या,’ अशी धमकी त्यांनी दिली..व्यवसाय बुडण्याच्या भीतीने देसाई यांनी पत्नीचे दागिने गहाण ठेवून ३७ लाख ५० हजार रुपये दिले. मात्र, उर्वरित पैसे न दिल्याने कराराची मुदत डिसेंबर २०२६ पर्यंत असतानाही त्यांना हॉलमधून हाकलून लावले, असे फिर्यादीत म्हटले आहे. पुढील तपास सहाय्यक पोलिस निरीक्षक किरण कारके करत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
