पिंपरी : आयटी कंपनीत मोठ्या वार्षिक पॅकेजचे आमिष दाखवून आयटी अभियंता तरुणांची फसवणूक केल्या प्रकरणी कंपनीच्या संचालकांवर हिंजवडी पोलिसांनी दुसरा गुन्हा दाखल केला. .उपेश पाटील (वय ३७, रा. रावेत) असे आरोपीचे नाव असून पोलिसांनी त्याला अटक केली आहे. तो फ्लायनट सास कंपनीचा संचालक आहे. त्याची पत्नी तसेच कंपनीची संचालक पूनम आणि कंपनीतील कर्मचारी रोहन अंबुलकर (रा. नागपूर) यांच्यावरही पोलिसांनी गुन्हा दाखल केला आहे. हे दोघे फरार असून त्यांचा शोध सुरू असल्याचे पोलिसांनी सांगितले..पिंपरीतील २४ वर्षीय तरुणाने दिलेल्या फिर्यादीवरून दुसरा गुन्हा दाखल झाला. आरोपींनी नोकरीच्या नावाखाली फिर्यादी आणि त्यांच्या इतर मित्रांकडून प्रत्येकी दीड ते अडीच लाख रुपये घेतले. त्यानंतर त्यांना काही दिवस ऑनलाइन प्रशिक्षण देऊन त्यांच्याकडून काम करून घेतले. नंतर कोणतेही प्रकल्प न देता आरोपींनी वेगवेगळी कारणे देऊन त्यांना कामावरून काढून टाकले. आरोपींनी एकूण २७ लाख तीन हजार रुपयांची फसवणूक केल्याचा आरोप आहे..काळेवाडी फाटा येथील २४ वर्षीय तरुणाने २३ ऑगस्टला दिलेल्या तक्रारीनुसार पहिला गुन्हा दाखल करण्यात आला. पहिल्या गुन्ह्यात दीडशे आयटी अभियंता तरुणांची, तर दुसऱ्या गुन्ह्यात आणखी बारा तरुणांची फसवणूक झाल्याचे उघड झाले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
