सासू-सासऱ्यांना त्रास देणाऱ्या सुनेला कोर्टानं पाठवलं भाड्याच्या घरात

पुणे : सासू-सासऱ्याला त्रास देणाऱ्या सुनेला वेगळे राहण्यासाठी भाडेतत्त्वावर स्वतंत्र घर घेऊन देण्यात यावे. या घराचे दरमहा भाडे पतीने द्यावे, असा आदेश न्यायालयाने एका दाव्यात दिला आहे. प्रथमवर्ग न्यायदंडाधिकारी एम. पी. परदेशी यांनी हा निकाल दिला. त्यामुळे सुनेला वैतागलेल्या सासू-सासऱ्याला दिलासा मिळाला आहे. 

या प्रकरणात पतीने पत्नीला दरमहा चार हजार रुपये पोटगी देण्याचा देखील आदेश झालेला आहे. राजू आणि रजनी (नावे बदललेली) यांच्या बाबतीत हा न्यायनिवाडा झाला. या जोडप्याचे 2017 साली मुंबईत लग्न झाले होते. लग्नानंतर काही महिन्यांत त्याच्यात वाद सुरू झाले. दोघांमधील संबंध खूपच ताणले गेल्यात्यानंतर 2019 साली रजनी यांनी पती आणि सासू - सासऱ्यांविरुद्ध कौटुंबिक हिंसाचाराचा दावा दाखल केला होता.

- हिटमॅन रोहित शर्मा हावरट? काय म्हणाला कॅप्टन कूल धोनी?​

या दाव्यात रजनी यांनी 50 हजार रुपयांची अंतरिम पोटगी मिळावी. तसेच एक कोटी रुपये कायमस्वरुपी मिळावेत, अशी मागणी करणारा अर्ज दाखल केला होता. न्यायालयाने दोन्ही बाजूचा युक्तिवाद ऐकला. त्यानंतर पतीने पत्नीला दरमहा चार हजार रुपये पोटगी देण्याचा आदेश दिला. तसेच तिने सासू-सासऱ्यांशी वाद घालून त्यांच्याविरुद्ध देखील गुन्हा दाखल केला होता. त्यामुळे पत्नीने माझ्या आई-वडिलांपासून वेगळे राहावे, अशी मागणी राजू यांनी केली होती. त्याबाबतचा अर्ज त्यांनी अॅड. पुष्कर पाटील आणि अॅड. रेश्मा सोनार यांच्यामार्फत दाखल केला होता.

- आता संसदेबाहेर भरणार मंडई; राकेश टिकैत यांची मोठी घोषणा​

दरम्यान रजनी यांनी फौजदारी प्रकिया संहिता कलम 125 नुसार पोटगी मिळावी म्हणून आणखी एक दावा दाखल केला होता. तर राजू हे पत्नीपासून घटस्फोट मिळावा म्हणून कौटुंबिक न्यायालयात गेले होते. पती-पत्नी, सासू- सासऱ्यांमध्ये होणाऱ्या वादांमुळे पुढे अडचणी निर्माण होऊ नयेत, म्हणून अॅड. पाटील, अॅड. सोनार यांनी दाखल केलेला अर्ज स्वीकारुन न्यायालयाने पत्नीला भाड्याने वेगळे घर घेऊन देण्याचा आदेश पतीला दिला. तसेच त्याचे दरमहा भाडे पतीने द्यावेत, असे आदेशात नमूद आहे.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)