Ghodegaon Accident: घोडेगाव–भीमाशंकर रस्त्यावर भीषण अपघात; समोरासमोर धडकेत रिक्षा चालकाचा मृत्यू, घोडेगाव परिसरात हळहळ..

घोडेगाव : भीमाशंकर रस्त्यावर शिंदेवाडी जवळ पिंपळगाव घोडे व शिंदेवाडी च्या दरम्यान चार चाकी वेन्यू मोटर (एम एच 14 जे एक्स ५००२) व तीन चाकी रिक्षा (एम एच 17 ए जे 12 82) यांच्यात समोरा समोर झालेल्या अपघातात रिक्षा चालक किशोर रामचंद्र नवले (वय 54 वर्ष ) हे ठार झाले. अपघात इतका मोठा होता की रिक्षाचा पुढचा भाग पूर्णपणे चेपला गेला असून रिक्षाच्या मागील असणाऱ्या आर्टिका गाडीलाही या चार चाकी गाडी धडक दिली.