भाऊंना पोस्टल मतदानाने आणले बरोबरीला पण...

माळशिरस : माणसाच्या प्रत्येक कामात यश मिळण्यासाठी त्याच्या प्रमाणिक प्रयत्न व कष्ट बरोबरच त्याला जोड लागते नशिबाची असे म्हटले जाते. याचा प्रत्यय ग्रामपंचायत निवडणुकी दरम्यान पुरंदर तालुक्यातील आंबळे येथील उमेदवारांना आला. 

- पुण्याच्या बातम्या वाचण्यासाठी येथे ► क्लिक करा

येथील ग्रामपंचायत निवडणुकीत तीन प्रभागांमध्ये असणाऱ्या नऊ जागांसाठी वॉर्डनिहाय समविचारी आघाडी तयार होऊन परस्पर विरोधी उमेदवार लढल्याने निवडणुकीचा निकालही त्याच पद्धतीने लागला. मात्र खरी रंगत पाहायला मिळाली ती वार्ड क्रमांक दोनमधील एका सर्वसाधारण जागेवरती.

अत्यंत चुरशीच्या झालेल्या लढतीची अखेर चिठ्ठीद्वारे नशिबाने दिलेल्या साथीची पुरंदर तालुक्यात संपूर्ण चर्चा ऐकावयास मिळाली. वार्ड दोनमध्ये सर्वसाधारण जागेवरती अजित दिलीप जगताप व नंदकुमार बाबासो दरेकर यांच्यामध्ये थेट लढत झाली. मतदान मशिनद्वारे झालेल्या मतमोजणीत अजित जगताप यांना 270 मते व नंदकुमार दरेकर यांना 267 मते मिळाली. यामुळे अजित जगताप विजयाच्या वाटेवरती असताना पाच पोस्टल मतदान या वार्डातील आले. यामुळे या पोस्ट मतदानाकडे सर्व उपस्थित प्रतिनिधींचे लक्ष लागलेले असताना अजित जगताप यांना त्यातील एक मतदान मिळाले तर नंदकुमार दरेकर यांना चार मते मिळाल्याने दोन्ही उमेदवारांना 271 अशी समान मते झाली.

PSI महिला अधिकाऱ्याशी लव्ह मॅटर; पोलिस शिपायाने ठाण्याच्या टेरेसवरुनच मारली उडी​

यामुळे उपस्थित मतमोजणी अधिकाऱ्यांना अखेर या दोन उमेदवारांची चिठ्ठी टाकावी लागली. यामध्ये मतदान पेटीतील मतदानावर आघाडीवर असणारे अजित जगताप यांची चिठ्ठी निघाल्याने त्यांचा विजय निवडणूक मतदान अधिकाऱ्यांनी घोषित केला. यामुळे अजित जगताप यांना नशिबाने दिलेल्या साथीची आंबळे गावासह तालुकाभर चर्चा ऐकावयास मिळाली .

(संपादन : सागर डी. शेलार)