नर्स आणि महिला बाउंसरमध्ये फ्री-स्टाईल; जंबो कोविड सेंटरमध्ये उडाला गोंधळ

पुणे : शिवाजीनगर येथील जंबो कोविड सेंटर येथे रखडलेला पगार घेण्यासाठी आलेल्या परिचारीका आणि महिला बाउंसरमध्ये गुरुवारी (ता.२४) तुंबळ हाणामारी झाली. दरम्यान, शिवाजीनगर पोलिस ठाण्यात पोचलेले हे प्रकरण सामोपचाराने मिटले.

कोरोना रुग्णावर उपचार करण्यासाठी उभारलेल्या जंबो कोविड सेंटरमध्ये काम करणाऱ्या परिचारिका आणि कामगारांचा मागील काही महिन्यांपासून पगार झाला नव्हता. त्यावरुन परिचारिका आणि कामगारांनी प्रशासनाविरुद्ध आंदोलनही केले होते.

- 'मराठा क्रांती मोर्चा'ने राज्य सरकारच्या अध्यादेशाची केली होळी!​

दरम्यान, गुरुवारी संबंधीत परिचारिका आणि कामगारांना त्यांचा रखडलेला पगाराच्या मागणीसाठी जंबोमध्ये आले होते. त्याचवेळी परिचारिका आणि वॉर्डबॉय एकत्र आल्याने गोंधळ निर्माण झाला. तेव्हा तेथे असलेल्या महिला बाऊंसर परिचारिकांना समजवण्यासाठी आल्या. तेव्हा त्यांची बाचाबाची झाली. त्यावरुन काही परिचारिका आणि महिला बाऊंसर यांच्यात शिवीगाळ आणि मारहाणीचा प्रकार घडला. या घटनेनंतर सर्वजण शिवाजीनगर पोलिस घटनास्थळी पोचले. मात्र त्यांच्यात सामोपचाराने प्रकरण मिटले.

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)