Video : कुरकुंभ येथे केमिकल साठ्याला आग; परिसरात धुराचे लोट

कुरकुंभ  (पुणे) : कुरकुंभ (ता. दौंड) येथील औद्योगिक वसाहतीतील कुसुम डिस्टिलेशन अॅड रिफायनरी प्रायव्हेट लिमिटेड कंपनीत केमिकल साठ्याला आग लागली. ही  आज सकाळी साडेदहाला लागली आग विझविण्याचे काम सध्या सुरू आहे. आगीचे लोट मोठ्या  प्रमाणात पसरत असल्याने तिथल्या कामगारांना सुरक्षित ठिकाणी हलविण्यात आले आहे. त्यामुळे या घटनेत  कोणतीही जीवितहानी झाली नाही.
         

दिलासादायक बातमी : ससून रुग्णालयात पहिली प्लाझ्मा थेरपी झाली यशस्वी!

कुसुम डिस्टिलेशन अॅड रिफायनरी कंपनीमध्ये वेगवेगळ्या कंपन्यांमध्ये प्रक्रियेसाठी वापरलेल्या  साॅलवंटमधून केमिकल वेगळे करण्याची प्रक्रिया केली जाते अशी प्राथमिक माहिती आहे. आगीत कंपनीचे मोठया प्रमाणात नुकसान झाले आहे. आग विझविण्यासाठी दौंड नगरपालिका, औद्योगिक विकास महामंडळ व परिसरातील इतर कंपन्यांचे अग्निशामक बंब प्रयत्न करीत आहेत.

पुण्यातील गणेश मंडळांचा `तो` निर्णय स्वागतार्ह; राज्यातील सर्व गणेश मंडळांना उपमुख्यमंत्र्य़ांनी केलं आवाहन! 

आगीत केमिकलने भरलेल्या ड्रमचे स्फोट वारंवार होत असल्याने आकाशात आगीचे व धुराचे लोट उंच जात आहेत. त्यामुळे कुरकुंभ व परिसरातील गावांमध्ये भितीचे वातावरण निर्माण झाले आहे. आगचा भडका मोठा असल्याने आग विझविण्यास वेळ लागत आहे.