पुणे : चंदननगर येथील कपड्याच्या दुकानाला आग

पुणे : चंदननगर येथील भाजी मार्केटमधील हनुमान मंदिराजवळ असलेल्या एका कपड्याच्या दुकानाला सोमवारी मध्यरात्री भीषण आग लागली. येरवडा अग्निशमन दलाने काही मिनिटातच घटनास्थळी दाखल होत आगीवर नियंत्रण मिळविले.

अग्निशामक दलाच्या जवानांनी घन पोगरच्या साहाय्याने 5 मिनिटात शेटर उघडले व फर्स्ट स्टेडच्या साहाय्याने पाणी मारून दुकानामधील आगीवर नियंत्रण मिळविले. या आगीमध्ये दुकानातील कपडे जळून खाक झाले आहेत.

यावेळी येरवडा अग्निशामक केंद्राचे प्रभारी उपकेंद्र प्रमुख सुभाष जाधव तसेच तांडेलआंबेकर, वाहन चालक हनुमंत चकोर फायरमन खराबी, खांडेभराड, घुंडरे यांच्या पथकाने आगीवर नियंत्रण मिळविले.